Leai atu i le pule i le ola ma fuala’au-fa’asaina

IL
By Ilia L. Likou, 12 July 2016

“Leai atu i le pule i le ola ma fuala’au-fa’asaina”, o le ‘autu lea o le tauvaga a ‘Autalavou a le Ekalesia Katoliko mai le Matagaluega o Apia.

Na amata lea tauvaga i se savali tele mai Togafu’afu’a e aga’i atu i le Maota o le Aiga Pa’ia i Taufusi.

E fa ‘autalavou o le Matagaluega sa ‘auai: o Matautu ma Leonē, Sagata Atonio, Vaimoso ma Samalage ma le Aiga Pa’ia.  

E lua vaega sa vaevaeina iai lea tauvaga, o le po sa faia ai siva fa’aleTusiPa’ia ma Fa’aEvagelia fa’apea tauvaga-pese.

Na manumalo ‘Aiga Pa’ia i vaega uma ia ma latou maua ai le fa’ailoga o le siamupini aoao.

ADVERTISEMENT

Na saunoa le Afioga a le Ali’i Patele o Losi Numia, o le tauvaga lea e le o se tausinioga po’o ai e sili, a’o le a’oa’o ma malamalama lelei i a’afiaga o fuala’au-fa’asaina ma le pule i le ola, i aiga, ekalesia ma le atunu’u aoao.

“O lo’o tatou talanoa i le taua o le leai atu i nei vaega uma, fuala’au-fa’asaina ma le pule i le ola,” o lana fa’aaliga lea.

“O se ‘auala e momoli atu ai le fe’au mo tupulaga talavou ae maise le fa’ailoa atu i tupulaga, e le o le pule i le ola le tali o  a tatou fa’afitauli, “O lo’o to’atele tagata, le mamalu o le atunu’u e aofia ai ma tatou uma, e mafai ona fa’asoa iai pe a mo’omia se fesoasoani…ae aupito taua ai, ‘aua ne’i galo le tatalo.  E talitonu Patele Numia, o se fe’au lea e mo’omia ona una’ia malosi atu i aso ta’itasi uma.

“E tatau lava ona silafia lelei, o le ola, o le meaalofa mai Le Atua.

“E le o se mea e uma nei ae toe maua i le isi aso e soso’o ai,

“E matua leai lava…ua matua tele le mau fa’afitauli o lo’o tutupu i lo tatou atunu’u i aso nei ma o le fafagau lea ma le fa’amanatu mo tupulaga talavou uma, le fa’ai’uga tonu ma sa’o e tatau ona fai,

“O fuala’au-fa’asaina fo’i o lo’o fa’aosoosoina ai tupulaga o aso nei, ma e tatau lava ona tatou galulue fa’atasi, o se aiga, se ekalesia a’o se atunu’u fo’i, ia una’ia ma fa’ailoa atu le fe’au lea ma le fa’amoemoe mo tupulaga talavou uma,

“Ioe, e iai lava le ‘auala lelei… se ‘auala tonu pe a tatou galulue fa’atasi e taofia ma tineia ia fa’afitauli mai lo tatou atunu’u.

IL
By Ilia L. Likou, 12 July 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investigative articles.

Ready to signup?