Faapopoleina i gaoioiga faa-Kegi

05 February 2016

Tusia - Vatapuia Maiava

Faaliliu e Seagaitumua Tupuola 

 

O se tama’ita’i faipisinisi lea ua leva ona lauga e uiga i tulaga mata’utia o pisinisi mai fafo i totonu o Samoa e anoano mau o loo ia te ia e uiga i se osofaiga e pei o se osofaiga a se kegi e tusa ai ma se vevesi i le va o ni kamupani Saina se lua. O lea finauga i le va o le Country Shop ma le Princessa na tulai mai ai se osofaiga e pei ona ta’ua i le Aso Tofi talu ai, lea ua avea i le taimi nei ma mataupu o loo suesueina e Leoleo.   

Ae fai mai Moe Lei Sam, le pule o le Lei Sam’s Variety Shop, e le manaomia e Samoa lenei ituaiga o amioga. 

 “Ua faate’ia o a’u talu ati e fai mai lava tagata Samoa  i taimi uma e lagolago lava e tagata Saina tagata Saina! Silasila la i le mea ua tupu? Sa fai le latou misi o Saina ma isi Saina,” o lana faaaliga lea.  “Mo a’u lava ia i le amataga, sa ‘ou manatu o se mea malie lea, talu ai-e masani lava ona finau ma tagata Saina. Ae peitai-ua faate’ia a’u i lea faalavelave ona o lea ua fe-loto leaga a’i pisinisi a Saina.” Fai mai Ms. Lei Sam o lenei tulaga e matua mata’utia lava mo Samoa.

ADVERTISEMENT

“Matou te le mana’omia ni faiga faa-Mafia iinei i Samoa. E leai se mea faapenei na tupu i aso o lo’u tamā ma ia Saina matutua uma i le tala faasolopito, e matua uiga ese lava i le faalogo ma le vaai ma o loo tutupu i nei Saina fou.”

Fai mai Ms Lei Samoa ua lagona lona popole i le ono mafai e nei gaoioiga ona faaoso le tulai mai o Kegi i totonu o Samoa. “Ia te a’u lava ia-o le itu ua ‘ou fefe ai ona ua latou faatinoina amioga faa-mafia i Saina ma isi lava malo tetele ma o lea ua latou taumafai e fai lea lava faiga i totonu o le tatou Samoa matagofie. Ua tatou ona latou toe foi i le mea na o mai ai e fai ai a latou faiga faa-kegi. Tatou te le manaomia se mea e tasi faapenei i totonu o Samoa.

E le gata i lea o Samoa e tatau ona avea ma motu o le Parataiso faa-kerisiano. O se tasi o aso –o le a latou faia ai ni pisinisi fai-kegi ae talitonu mai outou o le a aofia ai ma tagata Samoa. O lea e fai mai e le o aofia ai ni tagata Samoa ae o le a latou auai lava.

O le a una’ia i latou e tupe. “Tatou te manaomia se turisi e sau iinei mo se aso malolo saogalemu. Tatou te le manana’o ia fefefe i latou ina nei fana i latou e se Saina poo le tafana o i latou poo le osofa’i o i latou. Tatou te le manaomia lena mea e tupu iinei. Tatou te manana’o ia latou nonofo iinei i le toafilemu.” Ua popole foi le Tamaitai i le ono tupu mai o lenei faalavelave ma faateteleina i lo le tulaga ua i ai nei. 

 “Afai e faaauau pea lenei tulaga e aunoa ma le faalave o le malo po tagata lautele-o le a faatetele. O le a faaleagaina ai le igoa o Samoa, le atunuu o Samoa ma tagata uma lava. E faapefea pe a toe tali atu le tagata na fasi ma liua ai e avea ma taua?”. E talitonu Ms Lei Sam e matua noatia le malo i lea tulaga. 

“O ai a matou tuua’ia? E le faapea na te’i lava ua aliali mai tagata Saina i totonu o Samoa-ua latou o mai iinei ona o le avanoa na tuuina atu ia i latou e le malo. Aemaise ai laa le Palemia, o ia lea e to’atasi ou te tuua’ia mo nei mea uma lava.” 

Ina ua fesiligia pe o talafeagai avanoa tau galuega na faatinoina e tagata mai fafo e teu faafaigaluega a latou tupe ma le tulaga ua i ai. Faaopoopo i ai ma lou iloa o le mea moni e faapea o le toatele lava o i lato e aumai lava a latou tagata faigaluega i Samoa. 

 “O nei mea uma e pogai mai le faananau i tupe. Ana faapea o se faleoloa Samoa lea e soso’o ma le Princessa, faamata latou te faia lea tulaga i le tagata Samoa e fai lona faleoloa? O Saina matutua ua sui o latou uiga i faiga faa-Samoa, ma e tatau foi ona faapena Saina fou.” 

05 February 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?