O LA’U TALA FO’I

12 July 2016

1. Matauina i Tala Fou-fai mai ua fesiligia e se tina le Ofisa o le Komesina o Sulufaiga-talu ai-fai mai lea tina-“o le vaai a tagata ia te ia-o ia o se tagata solitulafono.

O lea la tina e 45 tausaga le matua mai Siumu-fai mai na osofa’ia lona fale i le tausaga talu ai e Leoleo faa-‘auupegaina-ona o le fia maua atu o ni tala mai ia te ia! Fai mai la lea Tina-o le mea na fai ia te ia-e na o luga o le Televise e te vaaia ai-fai mai o ia faiga e peiseai o faiga a Saddam Husaein- e aunoa ma le faailoa mai o le mafuaga.

O lea la faiga ua manatu ai tagata-o a’u o se tagata solifulafono. Ia –afai la ua fesiligia e lea Tina le Komesina o Sulufaiga ona o lea itu-ia atonu o le a tali atu lava le Komesina o Sulufaiga-ma e tatau fo’i ona tali atu le Matagaluega o Leoleo-e tusa ai ma lea faalavelave.

Afai o fai mai le tulafono e tatau ona faa-‘auupegaina Leoleo i taimi o osofaiga tau fualaau faasaina-ia ta’u mai i le atunuu lautele-ona malamalama lelei ai lea o lea mataupu!

Afai e le o faatagaina e le Tulafono- ae o se faiga ua nonofo lava Leoleo ia ma fai-ia atonu la ua tatau ma onomea ona tuuina atu lea mataupu i le Komesina o Sulufaiga e silasila i ai ma fai ai loa se tonu sa’o ma le talafeagai ma lea mataupu! O le a sou taofi?

2. Matauina foi i Tala Fou se ulutala fai mai-“O loo i Ausetalia pea le pagota lea o loo mana’omia-ma o lea la pagota-fai mai na mafai ona ia maua se visa poo se pepa malaga-ma sola ese ai loa mai le atunuu-ae peitai- e tatau lava ona toe aumai i Samoa nei e tuli lai ona faasalaga.

ADVERTISEMENT

O lea la pagota o Valufitu Uolilo- lea sa falepuipui ona o le solitulafono tau le fasi faamo’amo’a o se tasi-faatasi ai ma le faa-‘auupegaina o ia - O lea la pagota- ua maua o loo i Ausetalia-ae fai mai le Fofoga o le Matagaluega o Maotaoalii-“latou te mana’omia le toe faafo’i mai o lea pagota e tuli lona faasalaga i Samoa nei.”

I le taimi nei la- e leai se tasi ua molia ona o lea mataupu. Fai mai la o loo galulue faatasi Leoleo ma isi lava sui sooupu e pei o femalaga’iga-ina ia fai se tonu i le mea ua tupu-ona fai mai ua atoa le tausaga talu ona solaese ma le falepuipui!

Fai mai la le Komesina o Fuiavailili o loo latou galulue faatasi ma le Australian Federal Police i lea mataupu-pe toe faafo’i mai lea pagota! Ia –afai la ae toe faafo’Iimai-o le fesili-ua lelei la le auaunaga a le Falepuipui pe o loo faaletonu lava?

Afai la e leai lava se suiga mo le toe faaleleia o le auauga tau Falepuipui-masalo o lelei pe a tuu ai pea lea pagota i Ausetalia e le toe ulavale ai-i lo le toe aumai foi iinei-ae leai lava se mea o faia e le Vaega o Falepuipui- e taofi ai le sosola so’o o pagota i tua! O le a sou taofi? 

3. Matauina foi i Tala Fou le una’ia o tagata Palota ina ia resitalaina. O le tulaga la e le o manino mai- pe ua lata mai se taimi o se isi faiga-palota pe leai! E le o iloa foi le pogai ua saga una’ia ai le atunuu ina ia resitala ae o lea ua uma le palota!

Afai o le faafaigofieina o le galuega a lea matagaluega-ia atonu ua lelei foi lea-ae afai o le a toe fai se isi faiga-palota i se taimi lata mai-o le fesili-o le a le pogai o lea faiga-palota.

Sa faita o le mea lea- e faatoa fai lava pe a latalata i le Palota-ae o lea ua aliali mai -e peiseai-o le a toe fai se isi palota-fua ina faamalosia le atunuu aemaise ai o le maoa’e o nei faasalaga ae pe o le a faapefea ona totogi e le atunuu- ae o lea foi ua toe sii i luga ma le Tau o le Soifuaga ma mea uma!

Afai la o se aiaiga o le Tulafono ia toe amata ona resitala tagata o le atunuu-o lona uiga la-e i’u ina toe fai faanatinati se isi faiga-palota-ae le o malamalama le atunuu i le pogai o lea faamoemoe! O le a sou taofi?

12 July 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?