Faate’a Sui Faatutu o le Faiga-Palota

LT
By Lanuola Tusani Tupufia, 25 May 2016

I se fono faanatinati a le atunuu i le taeao o le Aso Toana’i, na faate’a ai e le afioaga o Le’auvaa ni sui faatutu se to’alua mo le faiga-palota, o Salā Iose Mc Carthy ma Tuala Iosefo Ponifasio.

O lea fono sa faatinoina i Le’auvaa ae sa le auai alii matutu ma isi matai, na faate’a ai e le fono a le nuu-lea foi na faate’aina muamua se minisita o le kapeneta, o Sala Vaimili.

O lenei tulaga na faamaonia e se alii matua o loo umia le suafa Tuala, o Tuala Lelea Lili’i-i le faagasologa o se talanoaga ma le Samoa Observer ananafi.. Fai mai Tuala o le pogai autu mo lea faaiuga na fai e tagata o le nuu-ona o se talosaga na faaulu e faasaga i le Faipule i le taimi nei o Gaga’emauga Nu.1 ma o le Minisita foi o Leoleo o Salā Fata Pinati. 

 “O lea talosaga e tusa ai ma lona tulaga atoa –o le mafuaga lea ua faate’a ai latou mai le nuu,” o le faaaliga lea a lea tamalii.

 “Ua latou le aloa’ia le nuu e ala i lo latou le auai i soo se fono na valaauina lea na talosagaina ai i latou ina ia auai…sa saili e le nuu ni auala e toe faalelei ai ia itu.

Sa faanatinati ona talo se fono o manū mo tagata uma ina ia auai e aofia ai i latou e toatolu o (Sala Iose, Sala Vaimili ma Tuala Iosefo).” O le taimi lena na fai ai le faaiuga a le fono a le nuu i le Aso Toana’i o le vaiaso talu ai e faate’a mafai ma e lagolagoina i latou.Sa le i ai Tuala Ponifasio i le ofisa ina ua fesoota’i atu ia te ia mo se manatu faaalia ananafi.

Sa le mafai foi ona maua se finagalo faaalia mai ia Sala Iose ma Sala Vaimili. O le sui faatu o le Tautua o Sala Iose Mc Carthy na ia faaulu se talosaga tau moliaga faa-solitulafono e faasaga i le Minisita o Leoleo i luma o le Faamasinoga Faa-Itumalo.

ADVERTISEMENT

.O lea faamasinoga sa faatulaga e amata i lenei vaiaso. O Tuala Ponifasio i le tasi itu o loo feagai foi ma le tele o moliaga tau solitulafono e tusa ai ma le faiga-palota-na tuuina mai e tagata o le itumalo o Gaga’emauga Nu.1..

E tusa ai ma Tualaga, ua leva ona taumafai le nuu e toe faalelei itu auai e ala i le valaauina o lea fono mo matai ina ia auai. “Ua manumalo Sala i le palota ma tatau ona (latou) tuu ai pea,” o lana faaaliga lea.

Ae peitai-o loo latou lu’iina pea lea tulaga ma teena ai fono ia sa talosagaina ai latou ina ia auai ma o lea na fai ai le faaiuga a le nuu i le Aso To’ana’i e ala i le ‘fono manu’ e faate’a ai latou. Matou te le manaomia lenei ituaiga o vaevaega i totonu o le nuu.”

Sa fesiligia foi lea tamalii matua e uiga i aiaiga o le faate’aina. Fai mai Tuala e tusa ai ma lona malamalama, o le matai ma i latu e lagolagoina i latou e le o toe faatagaina e auau i sauniga a le nuu (te’a ma le nuu).

“O loo i ai le faasalaga mo le olaga atoa (soloa i le ‘aufuefue),”o lana faamalamalamaga lea. Ae tusa ai ma lo’u malamalama e le faapena le mea o loo matou faia. Afai latou te salamo ma faapea mai ua latou salamo, o le a matou toe talia i latou.”

Ae mo faaupuga e faapea o le a aiaina e le nuu le Faamasinoga, e le talia e Tuala.

Na ia faailoa mai e faapea o loo fai le tiute o le nuu ma o le latou faaiuga e le afaina ai taualumaga a le Faamasinoga. “O le faate’aina o i latou ona ua latou le aloa’ia le nuu e ala i lo latou le auai i fono ia na talosagaina ai latou ina ia auai ae leai se mea ai afaina ai le Faamasinoga ma lo matou talitonuga e faapea e le o se aiaina lenei o le Faamasinoga faale-tulafono.”

Sa ta’ua foi e Tuala e faapea o le isi mafuaga ua le fiafia ai le nuu i matau ua faate’a-talu ai latou te le o nonofo i Le’auvaa. “O Sala Vaimili e nofo i Vailele ma Tuala Iosefo e nofo i Alafua,” o lana faaaliga lea.

 “Latou te le o nonofo tonu i totonu o le nuu ma vaai i le mea o loo tupu iinei. E taua mo i latou ona auau i fono ae o le faataute’e i le nuu, e le o se mea sa’o lea.”

LT
By Lanuola Tusani Tupufia, 25 May 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?