Ua se’e atu le U.T.O.S. i lona nofoaga fou

DF
By Deidre Fanene, 25 May 2016

Ua tatala so ofisa fou o le Unit Trust o Samoa (U.T.O.S.) I le fogafale 3 o le Faletupe o le Atiina A’e o Samoa. .I tausaga ua mavae, sa faamautu le U.T.O.S. i le fogafale 7 o le Faletupe Tutotonu o Samoa. 

Ae ui o lea, o le tuputupu a’e o lea kamupani, le faato’ateleina o le aufaigaluega ma le tulaga e le lelei o lea nofoag mo a latou paaga o nisi ia o mafuaga ua mafua ai lea faaiuga ina ia toe sailia ni fale fou. Sa latou faasoaina foi le avanoa ma le matagaluega fou o Pisinisi a le Malo. O Ananafi na avea ai le Minisita o Tupe o Sili Epa Tuioti ma le Minisita Lagolago o Mulipola Lei’ataua Laki ma malo faaaloalogia faapito mo le tatalaina o lea nofoaga fou.

O le Ofisa Sili o Puleaga o le U.T.O.S., o Sa’u Justina Sa’u, fai mai o lea nofoaga fou ua sili atu ona avanoa mo a latou paaga. “Sa matou faasoaina le fogafale 7 o le Faletupe Tutotonu ae ua faasolo ina le ofi.”.Fai mai Ms. Sa’u sa faigata tele mo a latou paaga matutua ona a’ea fasitepu talu ai ona o le Lifi a le Faletupe Tutotonu o Samoa e le o’o i le fogafale 7.

ADVERTISEMENT

 “O le pogai lea e lelei ai mo matou ona se’e ese. O lenei foi nofoaga e tutotonu, e latalata i le ala o pasi ma e faigofie o uia.

 “E mafai e tagata ona o mai iinei, o i le lifi ma o mai i le fogafale 3 o le Faletupe o le Atiina A’e. “O lo matou mau totogi iinei mo le toetoe lava $3,700 i le masina lea e matua talafeagai lava. Sa ,matou tilotilo i isi nofoaga ae ua matou filifilia iinei ona o le tele o le avanoa.”

O le U.T.O.S. na faavae i le lima ma le ‘afa tausaga talu ai ma ua tupu le faalapotopotoga ma ua faa-to’ateleina le aufaigaluega.. 

 “Ina ua matou faatoa amata-sa na o le to’atolu le aufaigaluega ma i le tele o tausaga, ua faatoluina lea numera ma i le taimi nei o lea ua to’aiva le aufaigaluega e aofia ai ma la matou tagata faigaluega mo le I.T.”

 “Ua matou fiafia lava I lo matou nofoaga fou ma talosia o loo fiafia foi a matou paaga.”

DF
By Deidre Fanene, 25 May 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?