O le matagofie o le olaga galue

FT
By Fetalai Tuilulu’u, 08 February 2017

E ui lava I le to’atele o tagata o lo’o televavave e fausia o latou fale I fanua i uta aga’I ese mai I le sami, ae o Meti Saofaiga, 52 tausaga le matua o Lotoso’a Sale’imoa o lo’o aga’i I le isi itū.

O lea tamā ua ia fausiaina lona fale I luga o le sami, ma fai ai lana fa’atoaga ma tausi ai lona aiga.

I le fa’atalatalanoaga a Saofaiga ma le Fofoga o Samoa sa ia fa’aalia ai o le toa’tele o tagata ua latou manatu i le ola puipuia ae galo I a I latou avanoa o lo’o latou misia.

“E foliga mai ua fefefe I le oti nai lo le ola. 

“O le tau o le soifuaga ua taugata ae e le tatau ona tatou vaivai ai. 

“E tatau ona tatou galulue malosi ai.”

O se a’oa’oga lea sa maua mai e lenei tamā mai le tele o tausaga ua mavae.

O le isi vaega o lea a’aoa’oga e leai lava se tasi e fesoasoani I a te oe pe afai e te le fesoasoani lava oe I a te oe.

“Mai le tele o tausaga sa ou fa’alagolago ai I isi tagata e maua mai ai a’u mea’ai, sa ou fa’apea ane ua lava lea.

“O le ala lea na ou alu ai lava amata atia’e lava e a’u a’u.

“O aiga potopoto e lelei ae e alu aso ae sau aso e tatau lava ona tatou ola lava I tatou mo I tatou.”

I le nofoaga a lea tamā o lo’o ola lauusiusi ai lana fa’atoaga ma sa Ia fa’ailoa mai foi le tele ma le anoanoa’I o lesona lelei ua ia maua mai ai.

ADVERTISEMENT

“E amata mai I le ola galue ma mea tatou te mafai ona tatou atia’e ai lava tatou ia. I le amatag o la’u fa’atoaga telē ni mea aoga ua ou maua mai ai.

“O fua o lenei fa’atoaga ou te alu fa’atau atu maua mai pe $100tala ma e lava ma totoe lea mo matou.

“E fa’asoasoa lelei lea seleni, ave laia o lesi vaega e fai ai mea fa’alelotu, o lesi vaega e fa’atau ai matou mea’ai, ma fa’aaoga ai lo’u afafine.”

O le mea taua lava I le fai fa’atoaga ona o oe lava ia lou pule e leai sesi e pule mai I a te oe.

“E pei lava o lea ou te faigaluega I se kamupani: faigaluega malosi, ‘atu le mafaufau ma e tatau ona e faia ma le loto malie auā a leai e sili ai ona tu’u.

“Ou te fiafia out e nofonofo, e sili atu I a te a’u lo’u gaioi ma ou te fa’afetai ai I le Atua ona o ana fa’amanuiaga ma nei avanoa matagofie ae sili ai le ola ua tatou ola ai nei.”

Sai ia saunoa fo’I e ui lava ua matua lona soifua ae o lo’o malosi lava lona tino ma lona agaga.

Sa fesiligia fo’I I fa’afitauli o lo’o feagai ma ia ma lona aiga sa ia ta’ua ai pau lava le fa’afitauli tele o lo’o feagai ma latou o le leai lea o se eletise.

“O lo’o lelei lava le suavai, ae o le eletise e utiuti ae o lea lava e matou mafai ona matou ola e aunoa ma se eletise, o le tasi lea tupe alu.

Sa fautuaina fo’I e lea tama ina ia fiafia I mea ua maua I lea taimi.

“So’o se mea lava.

“Afai tatou te feala ifo I lea aso ma lea aso o lena e te fiafia I lau galuega o lo’o fai ma o lo’o e lu’itauina se tasi ina ia galue malosi nai lo le aso muamua, o lona uiga o lo’o e faia se mea lelei mo se pisinisi po’o se olaga o se tasi.

“O le tele o mea e tupu ai le augata ma o’o ai ina le amanaiaina le auga tonu o lenei olaga.

“O lea ua ou seleseleina nei le matagofie o le olaga ona o lo’u galue malosi.”

FT
By Fetalai Tuilulu’u, 08 February 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?