O lo’o i ai le mativa i Samoa – Daiz

VM
By Vatapuia Maiava, 07 January 2017

O lea le talitonuga o le tamā i a Daiz Daiz o Aleisa i le Fofoga o Samoa  i le aso ananafi. 

I lea fa’atalatalanoaga na ia fa’ailoa ai le tulaga fa’anoanoa o lo’o ua maitauina ona e foliga mai e teuteu lumāfale le tele o finagalo o le atunu’u o lo’o fa’aalia ae o tua atu o lo’o i ai le oi ona o le tulaga e pei ona ua i ai nei vaitau i le mata’utia o le taugata o le tau o le soifuaga.

“O lo’u ia iloa i ai le taimi lenei o lo’o i ai le mativa i Samoa, ma o le tele o vaega o lo’o ua i ai nei e mafai ona tatou iloa ai lea tulaga.

“E faigofie lava ona o tatou iloa lea tulaga pe a  muamua lava ona o tatou silasila i le maualalo o totogi o galuega o lo’o i ai nei.

“A fua atu la i ai i le maualuga o le tau o  oloa ia ua na’o se vaega o le atunu’u latou te mafai ona gafatia lea tulaga aua e tele a latou tupe.

“E matua’i le paleni lava lea tulaga i lo’u iloa i ai.

“O le tau o le soifuaga o lo’o ua i ai nei ia e le tau fa’amatalaina lea itu i le tele o le mau si’itaga o lo’o ua i ai nei ma le taugata o le mau oloa aemaise o auaunaga ese’ese.

ADVERTISEMENT

“E le uma ane se aso o e fa’aaogaina se $100, ae o le tele na o totogi o tagata o lo’o maua i le vaiaso. 

Na ia fa’ailoa o le tele o tagata o lo’o taotaomia o latou lagona.

“O le tele lena o tatou tagata olo’o ua i ai, a pepese mai nei i fa’atoaga ma le tele o le mau vaega o lo’o maua mai ai tupe e pei lava e moni.

“Ae o le itu mautinoa o lo’o oi, e le’o lava le fa’asoa ona o le tele o le mau vaega ua i ai nei vaitau ma ona suiga o lo’o ua tatou i ai.

 “E pau lava le tulaga i Samoa e maua mea’ai mo le fa’aaogaina e le aiga, o le itu mautinoa e faigofie tele e tagata ona fai mai e totō le a ma le a. 

“O le matua’i faigofie lava ona tautala ae o se upu i fa’atinoga o le matua’i faigata lava.

“Ioe o lea ua to’atele lava ua fai mai  o le le galulue o le paie ma le ae o le tele o tagata e tautatala ae leai ni ma’umaga..

“E  le maua ni tupe se tele ni mago, e le tu se falepalagi a se isi n imago e fa’atau ma nisi o fuala’au.

“O le itu mautinoa lava lea i lo’u iloa i ai o lo’o i ai le mativa i Samoa.

VM
By Vatapuia Maiava, 07 January 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?