Fa’aletonu se tasi o va’alele

IL
By Ilia L. Likou, 15 January 2018

Sa iai se fa’aletonu sa alia’e mai i se tasi o Vaalele a le Talofa Airways lea o lo’o fealua’i i le va o Samoa ma Amerika Samoa.

O lea fa’aletonu sa lipotia mai i le Aso Toanai na se’i mavae atu nei.

O lo’o masalomia sa iai se vaega o le va’alele sa fa’aletonu.

Na fa’ailoa mai e leai se isi o le pasese sa fa’amanuália mai ai i lea fa’aletonu.

O se tasi o pasese ia Danita Adams, sa tuai ona faimalaga ese lea va’alele mo Amerika Samoa mai le malae va’alele o loo i Fagalii ona sa fa’ailoa atu sa iai se fa’aletonu o se tasi o paú o le va’alele.

“Sa lelei lava le tulau’ele’ele ai o le va’alele sei vagana ai le taimi ua liliu ai sa o matou faalogoina ai le tau ai o le vaálele I lalo o le auala.”

“Sa molimauina lava le faáteia ai o le ave vaalele ae sa toá lava le mamalu I le au pasese.”

E lei mafai ona maua mai se faamatalaga mai le kamupani vaalele o le Talofa Airways e tusa ai ma le faalavelave.

I le kamupani va’alele lava ia o le Samoa Airways e pei ona i ai le va’alele fou fa’avaomalo i le taimi lenei  e o’o mai lava le taimi lenei o lo’o nunumi lava le atunu’u ona  e le’o mafai lava ona fa’ailoa mai e le malo le tau aofa’i o lo’o lisi ai  le va’alele o le Samoa Airways i le  taimi lenei lea na tatalaina ma tu lau’ele’ele i Samoa i le masina o Novema i le tausaga ua mavae.

Na fesiligia le Pule Sili i a Seiuli Alvin Tuala ae le’i tali mai i nisi o fesili na tu’uina atu ai.

O lo’o ua i ai nisi o ripoti e fia fa’amaonia e fa’apea e US$500,000  i le lua vaiaso o lo’o lisiina ai le va’alele lenei.

O fesili na tu’uina atu i le Pule Sili e aofia ai; o  fea o lo’o aumai ai tupe o lo’o totogia ai lea lisi ae pe fa’amaonia fo’i.

Na fesiligia fo’i le Palemia, ma e le’o mafai ona tali mai e fa’atatau i lea tulaga ae na ia ta’ua e mea lilo ia e le mafai ona fa’ailoa.

I le saunoaga a le Ali’i Palemia i leFa’alauiloaina o le Va’alele Samoa Airways i le Malae Va’alele i Faleolo  na ia taua ai le taua  tele i le tala faasolopito o le atunuu ma le Malo lea fa’amoemoe.

“ O se aso ua leva ona tatou moe miti iai,” O lana saunoaga lea.

“O le toe amataina lea o malaga a le tatou Kamupani Vaalele o le Polenisia lea ua faaigoaina o le Samoa Airways, na faia ina ua mae’a le tele o fonotaga ma talanoaga a le tatou Malo ma le Virgin mai Ausetalia. 

“Ona o tulaga lē lelei ua oo i ai la tatou faigapa’aga sa a’e ai se finagalo o le Malo ma le Kapeneta e sili ia ona fai le tatou Kamupani Vaalele e tausia o tatou lava tagatanuu ae maise i latou e tafafao maimoa mai fafo. O lenei faaiuga e lei faigofie, sa faia ina ua mae’a ni suesuega (studies) e faatatau i lenei lava mataupu taua mo le tatou atunuu.

“Sa autasi le faaiuga a le Kapenta ina ua tuuina atu i ai se Lipoti e faatatau i le tele na’uā o ni faafitauli na tula’i mai i le tatou faigapaaga sa faia ma le kamupani lea mai Ausetalia.

“O lea la ua tatou silasila atu ua tu mai le tatou lava vaalele e tauaveina tatou faigamalaga i Niu Sila ma Ausetalia. O lenei galuega tele sa faatino mai e le Komiti Faatonu ma le Pulega a le Polenisia lea ua faaigoaina o le Samoa Airways, i totonu o le ono masina. “O mea faapenei e oo atu i le lua tausaga o tapena ma e maoa’e foi le gaioiga lea sa faia mo le taunuu mai o lenei vaalele lea o loo tu mai i o tatou luma.

‘E leai lava nisi e o mai e fai le tatou kamupani, e fai lava e tatou. O se atinae e lelei tele mo Samoa ma lona alualu i luma. O lea e talosagaina ai le mamalu o le tatou atunuu faapea foi tagata nuu o Samoa o loo aumau i atunuu i fafo, e o mai e fai le tatou vaalele, o mai e lagolago le tatou ave fu’a.

“E tele ni faitioga ua oo mai ia te a’u, pe aisea ua toe fai ai lenei atinae taugatā ma faigatā ae le tuu pea i papalagi latou te faia? O la’u tali sa fai i nei tagata, a le o tatou, o ai e faia, a le o le taimi nei o afea?

E leai lava seisi e sau e fai se atinae faapea mo tatou sei vagana e maua ai se latou tupe. “O le mea foi lenā na mafua ai ona taugatā pasese i le fia tausaga ua mavae. “Na ona ta’uta’u lava o le a fai la tatou lava vaalele te’i a ua tele mai malaga ma paū le pasese, e pei lava o le ao iā tatou nei gaioiga, ae ua fia tausaga o talosaga nisi faigamalaga faaopoopo ia Samoa ae fai mai e taugatā tele. Nei la ua te’i ua tasui mai pasese paū ma tele mai malaga na fiu e talosaga.

“Ua taugatā pasese sa fai mai foi o le a taugofie.  Sa fai mai o le a tele vaalele i le ao, fai mai foi o le a la’u i Amerika mai isi atunuu i fafo o le Pasefika. “O le a le mea na oo i ai,  na o le sau lava i Samoa ma toe foi i le valuapo.

E le’i paū  lava ni pasese, ae na o le ta’u lava o le tatou kamupani vaalele pei o le a le faapaūū mai o pasese i lalo ma te’i lava ua tele mai malaga faaopoopo. “E pei o le ao ia te a’u nei mea ua fai mai. Si nei kamupani vaalele e lei lelei ae ua fai mai faiga a kamupani tetele nei ia tatou.

“O lea ua maua le tatou paaga ma Fiti e tutusa mea tatou te mananao e fai auā le lelei o le tatou atunuu ma ia atinae ai o tatou lava  tagatanuu o Samoa.  “A tou vaai i isi atunuu o le Pasefika e pei o Vanuatu, Fiti, Solomona, Nauru, Kilipati ma Tahiti, o loo i ai lava latou kamupani vaalele ma o loo tulaga lelei pea nei atunuu i faiga malaga i le ea. 

 

“E le faapea o loo lelei i taimi uma ae o loo alualu pea i luma latou taumafaiga ma o loo maua lava polofiti a nei kamupani vaalele o loo fai ma ave fu’a a nei atunuu.

“O atunu’u tetele ia o loo o mai a latou vaalele i Samoa, e leai ma se tupe a le Malo e maua mai ai e ui ina toeititi lava piliona le polofiti a leisi kamupani o loo sau i Samoa nei.

“Ua fitu tausaga e le’i toe maua mai se tupe a Samoa i le tatou paaga lea sa i ai. “Ma o le upu moni lava e leai se tatou mea e maua i le tatou faalagolago i isi e o mai e tauaveina malaga mo i tatou. 

“Tatou te le toe foi i tua ma o le lesona malosi mo le Pulega ma le aufaigaluega a le Samoa Ea, fai ia mafai, aua nei toe tepa i tua ae alu i luma. “Aua foi nei toe faia mea sa faia muamua. Fai faalelei le tatou kamupani vaalele. Vaai faalelei tatou tagata ma e tafafao maimoa mai fafo. Fai le tou fai mea lelei ma le faa’aloalo ma le faaSamoa moni. 

“Ua tele taimi ou te malaga ai i nisi kamupani vaalele, a oo loa i le taimi e fai mai ai mea ai sei tulou, ona aumai lea o ipu mea ai a isi pasese, ae leai se mea taumafa a si loomatua poo si toeina lea ei ou autafa.

Ou te fesili soo lava, aisea ua le maua ai se mea taumafa a  lea tina poo sia tama? O le tali lava e masani lava ona tuu mai, e le’i totogia le pasese lea e maua ai mea taumafa. “O le tele o taimi a totogi mai e le fanau pasese a nai tatou tagata matutua, na o le nofoa lava e totogi ae leai se mea taumafa e maua. O se tulaga lē lelei ma lē talafeagai lea mea o le aai o isi ae lē aai isi.

“O le tatou vaalele e tasi lava le pasese e totogi ae maua uma lava vai inu, mea taumafa ma le ata tifaga e te matamata ai.

“O le lenei aso ose aso faapitoa ma ou te talosaga atu i le tatou aufai-pisinisi, o le aufai-faiva ma le aufai-faatoaga, o lea ua i ai le tatou lava vaalele auā tou oloa ma fua o faaeleeleaga mo maketi i fafo. Faaaoga le tatou lava kamupani e aumai ai tatou lava oloa mai fafo faapea ma oloa ma mea o loo gaosi i Samoa e ave atu i fafo.

“O loo i ai se manatu o le Kapeneta ma le tatou Malo e toe vaai poo talafeagai tatou Feagaiga faava-o-Malo (Air Services Agreements), pe le tatau ona toe faatulaga sei tau faatutusa ai malaga a le tatou vaalele ma  isi atunuu.

“E  tele nisi atunuu o le Pasefika e pei o Vanuatu ma Fiti ua latou osi mai i nei feagaiga tetele ma ua mafai ai ona alualu lelei latou lava kamupani vaalele ma toatele ai tagata turisi e asiasi i latou atunuu. O Samoa ua tatau foi ona tatou vaai poo le a le mea e lelei mo i tatou ma le tatou atunuu.

“E moomia le lagolago a le aufai-faletalimalo auā e tupu ai le numera o tagata mai fafo ma e moomia le tou faipa’aga ma le tatou kamupani vaalele aua le aumaia lea o turisi ma malo faapea tatou aiga mai fafo i Samoa. “O nuu ma Ekalesia faaaoga le tatou vaalele e aumai ai tatou tagata o loo usufono mai i Samoa nei faapea foi malaga a nuu ma aulakapi.

ADVERTISEMENT

“O lenei atinae e le faigofie peitai ua i ai lava le tomai i samoa e faatino ai lenei atinae taua auā le alualu i luma o le tamāoaiga o le tatou atunuu.

“E momoli atu le faafetai i le tatou aufai pisinisi faapea lala uma o le Malo sa fesoasoani i lenei taumafaiga lea ua tino mai. 

“Tatou lagolago i le tatou kamupani vaalele - le tatou avefua. Aua tatou te toe tutū mamao ae tatou aufaatasi e lagolago le tatou lava kamupani vaalele aua le lumanai ma le atinaeina o le tatou atunuu. 

“O mai tatou tutū faatasi ma tatou lagolagoina le tatou vaalele ma le tatou kamupani.

O lea lava le agaga e tasi na fa’ailoa i le  saunoaga a le Minisita o Lautafi Purcell i le faalauiloaina ole auaunaga o Malaga tuusao ale Samoa Airways ile va o Faleolo-Sydney na ia fa’ailoa ai le tele o le sao taua o le va’alele mo le atunu’u.

“O se manatu e autu i ai sa’u faamatalaga e faapea, “O la’u o lau lea” O lau o la’u lea,” Lautafi i lana saunoaga.

 “O lea ua matou savalivali mai e fa’alaufala le lupe mua o le seuga ma le faalelega fulu a le tatou Malo.  Ona o lea ua tulima tu i le tula le lupe na fa’alele e le tatou atunuu e ala i lana Va’alele lea ua fa’aigoa nei o le Samoa Airways.

“O upu a le atunuu, o faiva o tamalii o le fetala’i e ala i le tatou mulumulu aufoe faatasi  aua o lau Vaalele ma le tatou Vaalele. 

“O lenei aso ose aso taua tele i le tala faasolopito ole tatou atunuu ma le tatou malo. Ose aso ua leva ona tatou moe miti iai. 

“Ole toe amataina lea o malaga a le tatou Kamupani Vaalele ale Polenisia lea ua faaigoina ole Samoa Airways, na faia ina ua maea le tele o fonotaga ma talanoaga a le tatou malo ma le Virgin mai Ausetalia. 

Ona ole tulaga le lelei ua oo iai le tatou faigapaaga sa ae ai se finagalo a le malo ma le Kapeneta e sili ia le faia lava ole tatou lava kamupani vaalele, aua le tausia lea o tatou lava tagata nuu ae maise latou e tafafao maimoa mai fafo. 

“O lenei faaiuga e lei mama ona faia sa faia ina ua maea ni suesuega (studies) e faatatau i lenei lava mataupu taua mo le tatou atunuu.

“Sa laugatasi le faaiuga a le kapenta ina ua tuuina atu se Lipoti e faatatau I le tele naua o ni faafitauli na tulai mai i le tatou faigapaaga sa faia ma le kamupani a le Virgin Ausetalia.

“E leai lava sesi e sau e fai le tatou kamupani, e fai lava e tatou. Ose atinae e lelei tele mo Samoa ma lona alualu i luma.

“ O lea e talosagaina ai le mamalu ole tatou atunuu faapea foi tagata nuu Samoa o loo aumau i atunuu i Fafo, e omai e fai le tatou vaalele, omai e lagolago le tatou ave fua.

“E tele ni faitioga ua oo mai ia te au, pea aisea ua toe fai ai lenei atinae taugata ma faigata ae le tuu pea I papalagi latou te faia. O lau tali sa fai ia ai I nei tagata, a leo tatou o ai e faia, a leo le taimi nei o afea. E leai lava seisi e sau e fai se atinae faapea mo tatou sei vagana e maua ai se latou tupe. 

“O le mea foi lena ua alai ona taugata ai pasese is le fia tausaga ua mavaea. Na ona tautau lava ole a fai le tatou lava vaalele tei a ua tele mai malaga ma pau le pasese.

“E pei ole ao ia tatou nei gaioiga, ae ua fia tausaga o talosaga nisi faigamalaga faaopop ia samoa ai faimai e taugata tele. Nei la ua tei ua tasui mai pasese pau ma tele mai malaga ua fiu e talosaga.

“Ua matua taugata pasese. Sa faimai foi ole a taugofie,  Sa fai mai ole a tele vaalele I le ao, fai mai foi ole a alu I America mai isi atunuu  I fafo ole pasefika. 

“Ole a le mea na oo iai,  na ole sau lava I samoa ma toe foi I le valuaopo.

“ E lei pau lava ni pasese, ao nao le tau lava ole tatou kamupani vaalele, e pei ole a le faapauu mai o pasese I lalo ma tei lava ua tele mai malaga faaopopo. 

“E pei ole ao ia te au nei mea ua fai mai. Si nei kamupani vaalele e lei lelei ae ua fai mai faiga a kamupani tetele nei ia tatou.

“O lea ua faamautu ma le tatou faigapaaga ma fiti e tutusa mea tatou te mananao e fai aua le lelei ole tatou atunuu ma ia atinae ai le tatou lava  tagata nuu Samoa. 

“A tou vaai isi atunuu ole pasekika e pei o Vanuatu, Fiti, Solomona, Nauru, Kilbati, ma Tahiti, o loo iai lava latou kamupani vaalele ma oloo tulaga lelei pea nei atunuu I faiga malaga I le ea.

“ E le faapea o loo lelei I tami ae oloo alualu pea I luma latou taumafaiga ma oloo maua lava polofiti a nei kamupani vaalele oloo avea  ma fua a nei atunuu.

“O atnuu tetele lea o loo sau latou vaalele I Samoa, e leai ma se tupe a le malo e maua mai ai e ui ina toetiti lava piliona le polofiti a leisi kamupani oloo sau I Samoa nei.

Ua fitu tausaga e lei toe maua mai se tupe a Samoa I le tatou paaga lea sa iai.

“ Mae ole upu moi lava e leai se tatou mea e maua I le tatou faalagolago I isi e omai e tauaveina malaga mo i tatou. 

“Ua tele taimi oute malaga ai I nisi kamupani vaalele, a oo loa i le taimi e fai mai ai meai ai sei tulou, ona aumai lea o le ipu mea a isi pasese, ae leai se meataumafa a si loomatua poo si toeina lea ei i  ou autafa. Oute fesili soo lava, aisea ua le maua ai se mea taumafa a  lea tina poo sia tama.

“Ole talia lava e masani lava ona tuumai, e lei totogi ina le pasese lea a maua ia mea taumafa. “O le tele o taimi a totogi mai e le fanau pasese a nai tatou tagata matutua, nao le nofoa lava e totogi ae leasi se mea taumafa e maua. “O se tulaga le lelei ma le talafeagai lea mea ole aai o isi ae le aai isi.

“Ole tatou vaalele e tasi lava le pasese e totogi ae maua uma lava vaiinu meai taumafa ma le ata tifaga ete matamata ai.

“Ole lenei aso ose aso faapitoa ma oute talosaga atu I le mamalu ole tatou atunuu e omai e Faaoga le tatou lava kamupani e malaga atu ai I Samoa ma toe foi mai.

“O malaga a  nuu ma ekalesia,  faaoga le tatou vaalele e aumai ai tatou tagata o loo usu fono atu I  Samoa, faapea foi malaga a nuu o aulakapi ma autalavou.

“I soo se atinae faapea pea amata e ia lava faatifauli e tutupu mai. 

“Oloo tau faamasani I systems poo auala fou I faiga o nei mea. I le check in ma le boarding o pasese e le taulia boaring passes ma isi me laity ole mea taulia ua tatou malaga I le tatou lava vaalele. Tuumai se taimi e faaleleia ai nei mea fou. 

Ia tatou onosai ma tatou alolofa lagolago le tatou vaalele ole vaalele a tatou uma lava.

“O lenei atinae e le faigofie peitai ua iai lava le tomai I samoa e faatino ai lenei atinae taua auala  le alualu  I luma ole tamaoaiga ole tatou atunuu.

“Tatou lagolago I le tatou kamupani vaalele le tatou avefua. Aua tatou te toe tutumamao ae tatou aufaatasi e lagolago le tatou lava kamupani vaalele aua le lumanai ma le atinaeina ole tatou atunuu. 

“Oa mai tatou tutufaatasi ma tatou lagolagoina le tatou vaalele a le tatou atunuu.”

IL
By Ilia L. Likou, 15 January 2018

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?