Maua pea le filemu

03 September 2017

Ripotia: Aruna Lolani

Fa’aliliuina: Ilia L Likou


O lo’o sologa lelei lava mea uma i Samoa vagana ai le taugata o le tau o le soifuaga.

O lea le talitonuga o le tinā i a Sosefina Alofa, 73 le matua o le soifua o le afio’aga o Matatufu Falealili i le Fofoga o  Samoa i le aso ananafi.

Na ia fa’ailoa le tele o le ese’esega o Samoa i aso nei ma aso ua alu.

“E lelei a mea uma i Samoa.” O lona finagalo fa’aalia lea.

“E tele a tagata faimai ua taugata le soifuaga, ma e le mafai fo’i e a’u ona ou suia mafaufau o nei tagata i o latou talitonuga aua e tofu ale tagata ma lona ia manatu fa’aalia."

Na ia fa’ailoa e pau a le auala e atina’e atili ai le tatou atunu’u ma aga’i ai luma e pei o i si atunu’u, o le faiga lea o ni suiga fou e tatau mo Samoa. 

 “O le to’atele lava o nai  o tatou  tagata e le fiafia i le aumaia ma le fa’ataga ina e le malo o atunu’u eseese i totonu o Samoa, ae maise lava i le au Saina ae pei o’i latou nei o lo’o taugofie ai le tele o oloa o lo’o fa’atau ina i Samoa nei.

E pei sa i ai fo’i se manatu fo’i lele i le taimi muamua i nei tagata ona o lea tulaga ae pei o lo’o fai ma tapa atu ai mo se fa’amama avega.

ADVERTISEMENT

“E le fa’apea la a ou fai atu fa’apena, ona fa’apea lea ou te lagolago ina Saina e omai i totonu o Samoa ma pulea Samoa, e leai." 

Ou te lagolagosua i le manatu lea e fa’apea, o le au Saina lea e fa’amama avega i tagata Samoa e fa’atatau lea i le taugata ole soifuaga. 

“I lenei olaga, e leai ma se mea e faigofie ma e  tatou te tiga ina a i le tele o taimi ma e i ai fo’i tatou aso e le lelei, ae a fa’apea na epau la tatou mea e fai ole faitio ma nofonofo, ia na’o le fa’ateteleina o o tatou puapuagatia." 

 Sa fa’aalia Sosefina i le Fofoga o Samoa, e tele a suiga fou o lo’o fesoasoani ile atina’eina o Samoa. 

“Ia te a’u lava ia, o le lelei ole atina’eina o Samoa, o le lelei fo’i na o le tuputupu a’e o lo tatou atunu’u."

“Ua maua e le matou nu’u ni auala lelei ma e momoli fo’i le fa’afetai i le au Saina mo le latou ia fesoasoani tele i aiga po’o matou, i le taugata ole soifuaga." 

“Ia o le aga’i lava i luma ma fiafia i le Atua e maua ai le filemu."

 

03 September 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?