E aoga mo a’u – Tala

VM
By Vatapuia Maiava, 06 January 2017

O le talitonuga lea o le tamā i a Tala Lameko, 21 tausaga o Tapatapao ina ua maua le avanoa e le Fofoga o Samoa e fa’atalatalanoa ai le aso ananafi.

“Ia e tau mai nei o lea ua matou usu mai e amata ona fa’amama luma o le fanua o le aiga aua le totōina ai o tamato nei.

“O lea fo’i ua amata le tausaga ia o le manatu lava lea, ia o le amata fo’i ona toe totō fuāla’au ‘aina aua le aiga ma le tausiga.

“E le gata i lea ae  o se tupe fa’asili e maua mai ai pe a ave i le maketi e fa’atau aua o lo’u iloa i ai ia o le matua’i tupe tele lava e maua i le totōina o vaega nei mo le aiga.

“Ia o lea pe tusa ma le kuata lea e fa’amama , e le gata la mo le totōna ai o tamato, ae o pi, kukama, o saga ma nisi o vaega.

Na ia ta’utino o le taimi lenei o le totōina ma le fesoasoani o lo’o ia tu’uina atu mo le aiga mo vaega nei.

ADVERTISEMENT

“Ia o le tamā o lo’u to’alua o lo’o ia fa’atinoina vaega nei, ma o le agaga lava ia o le galulue fa’atasi o i matou uma.

“O le agaga maualuga lava ia o le galulue fa’atasi e mama ai se avega tauamo.

“E pei o lea lava le tulaga o lo’o i ai si o matou aiga, ma e sa’o lelei lava lea tulaga , a omai fa’atasi ma opogi se fa’amoemoe ia e manuia uma ai lava.

“O le taimi lenei e  ova ma le 50 tamato lea o le a totōina, ia masalo ia e va’ava’ai atu i nai masina atu o i luma e selesele ma avatu i le maketi e fa’atau.

“Ia ae ou te iloa o le tele lava o le a fa’aaogaina e si o matou aiga aua le tausiga o le aiga i aso fai so’o.

“O le aoga ia o nei vaega mo a’u fo’i ia, aua fo’i a ou matua ane ma to’atele si a ma fanau o le a mafai ona ou fa’atinoina so’o se totōina o vaega nei.

“Aua o le itu lelei ai lava o fa’ato’aga, o le alu sa’o o le malosi ae a tali mai fo’i lota afu, ia e fa’alogoina lava i tino le fiafia.

“E le gata la ina ou sau ou te fesoasoani ia ae o le maitau lava le itu taua, aua le agai atu i le lumana’i.

VM
By Vatapuia Maiava, 06 January 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?