O le toe fo’i lava e gagau le vao - Arona

VM
By Vatapuia Maiava, 06 January 2017

“Ia o le taimi lenei ua ou toe mafaufau ou te toe fo’i e fai la’u fa’ato’aga.” Arona Mosi , 40 le matua o le soifua o Faleula.

E  maua le fa’atalatalanoaga e le Fofoga o Samoa ma Arona ua manava mai lana galuega i Se’ese’e o le a sauna e aga’i i le aiga.

“Ia o le tausiga lava o le aiga le mafua’aga o le fa’atinoina ai o galuega i aso uma, o le taimi lenei i le va’ava’ai atu i le tau o le soifuaga o lo’o ua i ai , ia ua le aoga ai lava se nofonofo.

“E pei lava ona o tatou masani ai, ia o le olaga lenei ua matua’i le toe faigofie, a le afu le muaulu ia e  fia’a’ai le aiga.

“O si a’u galuega o lo’o o’u faigaluega ai nei e na’o le $60 la’u totogi e maua mai le Aso Gafua i le Aso Faraile.

“I a te a’u ia o le a le totogi ou te maua ae o le itu e sili ona taua o le fesoasoani i si o matou aiga ona e fai lava si to’atele.

“O lo’o i ai fo’i e o lo’o faigaluega ae pei ona ou ta’ua muamua ia ua le faigofie lava le tulaga e  pei ona ua i ai le taugata le tau o oloa o lo’o ua le taimi lenei.

ADVERTISEMENT

Na ia fa’ailoa o lo’o maitauina pea le taugata ma le si’itia ai le tele o le tau o oloa o lo’o ua i lenei vaitau.

“E  pei o lea le tulaga faigata o lo’o ua i ai le taimi lenei, ua laiti tupe maua ae ua taugata le tele o vaega.

“A aumai fo’i totogi ua maua mai, ia na o le titilo ai lava le taimi e maua ai  ia ma uma atu ai lava ma le aoga.

“E matua’i leai lava se fa’amoemoega e fesoasoani i le aiga i se taimi umi aua le atina’eina o nisi o vaega e mana’omia lona fa’aleleia.

O le taimi lenei ua i ai le fuafuaga a Arona e toe fo’i e totō le ma’umaga.

“Ia a maitau atu le tupe o lo’o maua i lo’u totogi o le mafua’aga lea ua tonu ai lava i lo’u mafaufau out e fo’i e fai la’u fa’atoaga.

“O le taimi lenei o lo’o ua amata ona totō ufi ma fa’i ma nisi o vaega, aua o lea ua ou iloa ,e ma’imau le taimi efaigaluega e le taitai ona maua ai se atina’e aoga mo le aiga.

“E sili la le fa’atoaga aua e mafai ona ou toe alu fa’atau atu ia maua le tupe e tausi ai le aiga ia ma sa’u seleni e fa’asao aua le lumana’i ma nisi itu ou te mana’o ai.

“Ia o lena, o le toe fo’i lava e gagau le vao.

VM
By Vatapuia Maiava, 06 January 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?