Olaga faatasi ma le fanau

AL
By Aruna Lolani, 01 July 2017

O se aiga e le faatatau i se lelei atoatoa, ae faatatau ile ola faatasi.

Paogasue Fasitupe mai Leulumoega o se tama e ave lana faamuamua i lona aiga.

E 69 le matua o lona soifua ma o ia o se tama i se atalii ma afafine e toalua.

Ua faamanuiaina a latou aoga, lea la ua faigalue uma ma fai’aiga uma foi.

“O lou afafine ulumatu ua to’asefulutasi nei lana fanau ma o lo’o lelei lava lona olaga faatina aua o loo faigaluega, fa’apea foi lona toalua.

“Ua nao au a la, ma lau fanau ma fanau a lau fanau lea e totoe aua o le tina o le aiga na maliu ile 7 tausaga ua te’a.

ADVERTISEMENT

 “Sa faigata a le olaga ae matou taumafai lava e aua nei faavaivai.

“Lea ua manuia mai le fanau, ia e faafaigofie ai foi isi mea e fai i totonu o aiga.

“E le mativa a nisi ini meaai aua o lea e iai faatoaga a tamaiti ae o le seleni a ile tele o taimi.

“E manaia foi a le tali ole manava ile talo aua e manaia le lololo ole pe’epe’e.

“O le tupe a o se mea e faigata ona maua.

“O le mafuaaga lena matou te galulue faatasi ai ma le fanau aua le faamamaina o avega mamafa.

 “E totogi a la e tamaiti ia au mea e tatau ona fai ile nuu ma le lotu ae na ou fai ai ia latou, tuu mai pea le vai ia te au ou te totogiina.

“Ia a maua a la lou penisiona, ou te alu muamua totogi le pili ole vai aua ou te le manao e faamotusia faafuasei atu le vai.

“E toatele a tagata e faafesili mai pe ou te le manao e fai sou tausi, ae ou fai ai, ia e leai, o lea ua matutua lau fanau latou te tausi ia te au.”

AL
By Aruna Lolani, 01 July 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?