TALATUU - Aiga o Saveasi’uleo ma Nafanua.

FN
By Fuimaono Na'oia Fasavalu Touli F. Tupua, 15 June 2016

O Papa ma Maluapapa o le ulugalii -o le la tama teine o Popoto. O le teine lea e faapea na sau i Upolu e su’e sana tane, ona taunuu lea i Maugafolau ma ua fai ma ana tane. Ona toe alu lea o le tamaitai ua nofo ia Tofuaupolu i Aana. Ona toe alu foi lea o le tamaitai ua taunuu Ia Masa i Tufutafoe ma ua nofo ai.Ona fanau ai lea o lana tama o Taufa. 

Ona usu lea o Alao o Falealupo ia Taufa ona maua ai lea o Saveasi’uleo, lea fai mai e fai lona si’usi’u e pei o se pusi. 

O le tala lenei e peiseai e foliga ese talu ai o loo ta’ua ai ni mauga e peiseai o ni tagata ua liu temoni, lea fai mai Misi Pulo o loo ta’ua foi i le gafa o Mausautele; ma e uiga ese foi lona tulaga i lenei tala ona o loo ta’ua ai se ulua’i fafine. Ae ui o lea o le gafa o le tina o Saveasi’uleo e tusa ai ma le manatu o alii su’esu’e-e fai sina ese, talu ai- fai mai na usu Tolouega ia Tagaloasu’enuu, ona faaigoa lea o lea tamaitai o Megamegaitafua. 

Ona toe usu lea o le alii o Lega i Salafai, ona toe sui ai lea o lona igoa ia Papaga; ona faatoa maua ai lea o Lagi, Fati ma Elo, ma Masa Maluletuapapa ma Taufailematagi. Ona mana’o mai lea o Papatea i le vai o Alao o i Samoa nei. Ona sau ai lea o lona afafine o Taufailematagi e utu vai. Ona usu lea i ai o Alao ona maua ai lea o Salevao ma Saveasi’uleo. Ona sosola lea o Alao ma Taufailematagi i Salafai ina ua Sau’ai-tagata Saveasi’uleo ma Salevao. 

Ona nonofo ai lea i Salafai, ona fanau ai lea o Ulufanuasese’e. Ona usu lea o Tulouega ia Tagaloasu’enuu ae leai se la tama. Ona sui ai lea o le igoa o le tamaitai ia Megamegaiatafua. Ona usugafa lea o le alii o Lega i Salafai ae leai sona suli. Ona sui ai lea o le igoa o le tamaitai ia Papaga. Ona potopoto lea o tagata o le nuu o Eleele. Ona usu lea o Eleelemu ia Eleelemea, ona maua lea o Papatu lea na usu ia Papa’ele ona maua ai lea o Papatea. 

ADVERTISEMENT

Usu Papatea ia Papaga ona maua lea o Lagi, Fati,  ‘Elo ma Masa Maluletuapapa ma Taufailematagi. E tusa ai ma suesuega a Misi Situpe ma Misi Tana, o le Tupu o Elo sa na pulea Pulotu. O se ulugalii o Si’usi’uao ma Uluao e to’afa le la fanau-o Lagi, Ua, Tala ma Falī. 

O i latou ia na o i Papatea, ma sa tali leleia i latou uma vagana ai Tala. Fai ma sa tuu-feanu ia Lagi; na gau le ua o Ua; o taua ma Falī sa soli. O ia faiga leaga na toe taui uma e Elo ma fasiotia uma ai tagata o Papatea ma ua “faa-Papateaina.”Fai mai e na o le to’afa tagata na sao mai ai ma o i latou ia na faatagataina Samoa-o Ma ma Nu’a; “Tutu ma Ila”; “U ma Polu,”o Sa ma Vai’ī. Ae pei ona faamatalaina muamua o tagata ola muamua na amata mai ni “temoni. O Alao ma Taufa e toatele le la fanau, ia na ‘ai uma lava e Saveasi’uleo; ma o le pogai lea na faaigoa ai o le ‘Sau’ai-tagta’. 

Na faasaoina Ulufanuasese’e talu ai na sola i le togavao lea fai mai sa fai ai le latou taaloga o le ‘faase’e’ i se toga-‘ulu. 

O se tasi o aso fai mai na alu ai Ulufanuasese’e e faase’e i galu o le sami ae alu ane ai Saveasi’uleo o le a ‘ai o ia-ae otegia e Ulufanuasese’e. Ona fai ai lea o le la mavaega-“O le a te’a Savea i Polotu i le atu sasa’e e lologo ia te ia le malo; o le a usugafa le Ulufanuasese’e ina ia tutupu mai ai ni  alii o le Alataua; ae fofoga o le Alataua o Salevao. Ona usu lea o Ulufanuasese’e i le alo o Tagaloatele o Pata o Faalualuatele ma Ave’autetele, o alii ia na te’a i le Tuamasaga. 

O Ave’autetele e nofo i Alaoa; ae nofo Falualuatele i gauta o Vailele. 

Usu Ulufanuasese’e ia Sinalalofutu o Fagaiofu o tamaitai pi’ilua o Taema ma Tilafaiga. Ona alu lea o le ‘ausaga a ia tamaitai taunuu i le Motu Sa, e le’i iite tagata; ona toe fe’ausi lea o tamaitai taunuu i Manu’a, e le’i iite foi tagata. Ona toe fe’ausi lea taunuu i Fagalua; ona usu lea o le alii o Moaifelo ia Tilafaiga ona maua lea o le Alii o le Alataua o Tulu’itanu. 

Ona fai lea o le latou mavaega i le sami, o Saveasi’uleo ma Salevao ma Ulufanuasese’e: ‘o le a alu Saveasi’uleo i Pulotu, ae nofo Ulufanuasese’e e saili ni ona gafa lelei mo le Alataua, ae fai Salevao ma Fofoga o le Alataua. Ona usu lea o Ulufanuasese’e i le alo o Tagaloatele i Pata o Faalualuatele ma ‘Ave’autetele-ia na o i le Tuamasaga.

FN
By Fuimaono Na'oia Fasavalu Touli F. Tupua, 15 June 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investigative articles.

Ready to signup?