Manatu o le Fa’atonu - O lea faato’a amata le fiafia

09 March 2016

Tusia - Mata’afa Keni Lesa

Faaliliu e Seagaitumua Tupuola

 

O le taualumaga  lenei faiga-palota e saua tele.O le taimi lava tatou te manatu ai ua mae’a atoatoa i le Aso Faraile talu ai, ae toe mafaufau pea. O se tasi lenei o ia itu fai mai le muagagana e le’i uma se’ia vagana ai ua matua mae’a mea uma ma o se faaupuga lea ua sili ona talafeagai. 

O lea matou te talanoa e uiga i le taualumaga faate’ite’i mo e na manumalo muamua-o latou lumana’i i totonu o le li’o tau polokiki ia ua tuu atu i luga o le fua a’o faaauau pea le faitauga mulimuli aloa’ia  i Mulinu’u. Se’ia vagana ai ni nai sui faatutu o latou taunuuga ia ua manino mai, e o le toatele o sui fou o le Palemene o loo feagai ma se tulaga faatalitali uiga ese. 

E te le mana’o e te se’e i o latou seevae.

O le faafitauli muamua lava o le sao mai lea i le faitauga aloa’ia lea e talaia ai palota faapitoa ma Iloilo. O lea taualumaga e uiga ese lona tulaga e faapopoleina ai mo sui faatu o latou faitauga muamua e le aloa’ia e matua vavalalata lava.  Ma ua uma ona matou vaaia lenei tulaga i nisi o taunuuga ia ua uma ona toe suia talu mai le faalauiloa e le aloa’ia o le Aso To’ana’i. 

I le Fa’asaleleaga Nu. 1 Sasa’e mo se fata’ita’iga, ua uma ona faalauiloa mai se Sui Usufono fou o le Palemene, o  Pauli Ivan Williams. E ese ai ma le taunuuga na faalauiloa mai le Aso To’ana’i lea na faaalia ai e faapea o Sili Epa Tuioti ua manumalo, ae talu mai lena taimi, ua uma ona faasa’o e le Sui Komesina o Faiga-Palota, o Mathew Lemisio lea tulaga ma i le taimi nei- o lea ua mua Pauli i le tuuga. O Fa’asaleleaga Nu. 1 Sasa’e e le ona pau lea o le itumalo na afaina.  O taunuuga ua uma foi ona sui mo Faleata Sisifo lea ua maua ai nei e Lealailepule Rimoni Aiafi se mua maoa’e e  963 palota e sili ai ia Ulu Bismark Crawley ma isi sui faatutu e to’alua. E matua feteena’i lava lenei tulaga mai le na o le va palota na eseese ai latou i le Aso To’ana’i

O ia suiga e mafua ai le “sasi o le vaai” i le faagasologa o le faitauga. Talitonu i ai pe leai, e tutupu mea faapenei uso e. O palota sa faitau e tagata soifua ma i le taeao o le Aso To’ana’i, o le faaiuga lea o se vaiaso umi o galuega mo le toatele o i latou. O le pogai lea e talafeagai ai mo se vaiaso atoa e faataga ai alii ofisa e siaki ma toe siaki numera. Mo Faleata Sisifo, o le Sui Ofisa Tau Faiga-Palota lea na ia faailoa mai taunuuga sa ia te ia ni palota mo ni sui faatutu se to’alua ua nunu,” o le faamaninoga lea a le Sui Komesina o Faimalo.” 

ADVERTISEMENT

 “Talu ai matou te le mafai on talaia pusa palota i le taimi e taunuu mai ai, e tatau ona matou siakiina le faamaumauga aloa’ia o taunuuga muamua i le fale palota ma faamaonia- e faapea o le mea moni ua matua fefiloi faatasi palota.” Fai mai Faimalo o lea tulaga fefiloi i le Faasaleleaga Nu. 1 Sasa’e o le taunuuga o le sopoloa o le vaai e pei ona masani ai.

“O le sopoloa lava lea o le vaai na mafua ai ona fefiloia palota mo nisi o sui faatutu. O le taimi lava na matou iloa ai lea tulaga faaletonu i le taeao po lava o le Aso To’ana’i, sa matou faia loa suiga e tatau ai a’o auai sui o isi nusipepa ia sa auai i le faagasologa o lea taimi.  

 “I lea la taimi- sa faitau pea lava taunuuga mulimuli o le faiga-palota ina ua mae’a ona matou toe faatulagaina palota faapitoa uma ia na fai e tagata palota i fale palota na atofa mo palota faapitoa i le salafa o le atunuu.” 

I le ta’ua la o palota faapitoa, o nei palota- e aunoa ma se masalo e matua tele lona sao i le fuafuaina o le taunuuga o le palota i totonu o le tele o itumalo.

O le 6,765 palota faapitoa e ao ina iloiloina- o le matua tele lava lea o palota. 

O le taimi lava e mae’a ai le faitauga aloa’ia, o le a tauaao atu loa le taunuuga i le Ao o le Malo, Lana Afioga Tui Atua Tupua Tamasese Efi, ina ia faamaonia. 

O nei mea uma ua i ai le faamoemoe o le a faalauiloa faalaua’itele i le Aso Gafu, a’o lumana’i ai le tauaofiaga muamua a le Palemene i le Aso Lua. 

Ae peitai- e le o le mutaaga lena o le ala tama’ita’i e ma alii. 

O le taimi lena e amata ai le fiafia moni faatasi ai ma talosaga tau le palota. 

E tusa ai ma le tatagi o mea, e toatele ni tagata talosaga ma latou loia ua sauni ma talotalo ia amata loa. Ma ona tatou faaauau ai lea lea....

Faafogafoga mai pea!

09 March 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?