Ia taumafai aiga

JL
By Joyetter Luamanu, 04 October 2017

E le ma le mativa.

O lea le talitonuga o le tina i a Akaka Tafeaga na fa’ailoa i le Fofoga o Samoa.

Na maua le fa’atalatalanoaga ma Akaka a’o aoina ai atigifagu aua le fa’atauina atu mo se tupe maua a lona aiga.

“Ia o a’u ma si a’u tama lenei e iva tausaga o lo’o ma omai mo le fa’atinoina o lea tulaga.

 “Sa o ma savali mai lava i Vaitele-Uta mai Nu’ufou mo le aoina o atigifagu ia ma ua o tatou iloa uma lava e leai se ma pe a o’o le taimi e mativa ai.

“O le olaga lava lea o lo’o o tatou ola ai le taimi lenei, ma o le taumafai lava aua a nofonofo o lona iuga ia o le nofo o le fale e fiaai.

ADVERTISEMENT

Na ia fa’ailoa o ia e to’aono le fanau.

“Ia o le itu mautinoa ou te le manao ou te nofonofo ae leai se mea e fa’alagolago ai le fanau.

“E leai fo’i se fa’ato’aga e fa’alagolago ai le taimi lenei.

 “E le mafai fo’i ona sue se galuega ona o a’u o la’u savali ma e pei ona e va’ai mai ia o lea e fa’aaoga le la’au e tau la’ala’a ai. 

“O le suavai ua tipi ona ua tele le pili, ia o le lava a o se seleni.

“Ua o tatou iloa uma le aoga o le suavai ma e leai se mea e mafai ona fai ae leai se suavai ma o se itu faigata tele o lo’o ua i ai nei si o matou aiga.

“E pei o lea lava le tulaga o lo’o ua taumafai ai pea ina ia tausia si a’u fanau ma le aiga, o le a lava le mea e mafai ona maua mai atigifagu nei o le mea sili lava o lo’o i ai sina vaega e tau napa atu ai.

“O lea lava le manaoga ia manuia aiga, ia ae talosia ia atonu ua latalata mai se lavea’i aemaise ai le Lotu Tamaiti o lo’o ua lumana’i nei…ia maua e si a’u fanau se lotu manuia.

JL
By Joyetter Luamanu, 04 October 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?