Faaitiitia le tau o le soifuaga

SS
By Seia Soloi, 19 February 2017

E tatalo atu i le Malo ina ia aloloffai i le atuunuu, ina ia iai se faamama avega i le tau o le soifuaga ua tatou iai nei. 

O le augani lea a le Tama ia Togia Palemene,53-tausaga le matua mai Nuu-Fou i le Malo tau ala atu I le Fofoga o Samoa, ina ia alofagia tagata nuu o Samoa.

“Ou te talitonu e le’o na’o a’u ma lo’u aiga o lo’o feagai ma lea faafitauli, e tele nisi aiga o lo’o oi i le taugata tele o le soifuaga” o lana tala lea i le Fofoga o Samoa

O lo’o nonofo nei ma lona aiga i Nuu-Fou, ma o lo’o tele lava itu e manaomia ai e le tama ia Togai le itu tau seleni;

“O le fanua o loo togitogi, e le’o se fanua a matou, pe a fua atu i le tagata toatasi o le matou aiga e faigaluega, e taugata e le faigofie foi iai matou”

E na’o le atalii o Togia o lo’o faigaluega ma o ia lea o lo’o faamoemoe iai lona aiga e maua mai ai le latou tupe maua i mea e fai a le aiga, pei o le pili o paipa ma moli,meaai aemaise faalavelave fai a le aga;

ADVERTISEMENT

“E faamuamua a le mea e tatau ona faamuamua pei o aoga a le afafine, ae o mea fai a le nuu ma le ekalesia, o le tupe alu pito sili lea ona tele o lo’o faaalua ai latou tupe”

E faigofie le aiga o Togia aua na’o le toafa, ae pau lea o le faafitauli o le tele o mea e fai ma moomia ai le tupe, ae ua leai seisi tagata faigaluega e fesoasoani i lona atalii, aua isi mea e fai a le aiga.

O le galuega a le tama i aso fai soo o le atia’e lea o lana togalaau aina, aua o leisi lea tupe vave maua mo ia ma lona aiga:

“Ua tonu ai e sili pea fai se togalaau aina, e fesoasoani ai i lo’u atalii i nisi mea o lo’o moomia mo matou i aso uma, aua e le lelei uma aso, o aso ua maua mea ao isi aso ua leai.

Ua maitauina foi ele tama suiga tetele o le olaga ma luitau ua iai nei, ae e mafua uma lava nei mea uma ona o le tauagata o le soifuaga ua iai nei;

“E leai se tatou mea e mafia aua a alu a o luma le olaga e faapena foi ona alualu ai luma ma le tau o le soifuaga o le taugata lea o mea uma”

Pau lea o lana talosaga I le Malo ina ia alofagia le tau ua iai nei le soifuaga i totonu o Samoa:

“Pe taugata pe a, tatou te le ‘aloese mai ai aua ua masani ai a o tatou tagata, vaai alofa i nai aiga lima vaivai ma iga o lo’o tau atia’e, aua o lo’o finau uma aiga ia mo se lumanai lelei”   

SS
By Seia Soloi, 19 February 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?