E sili lava le gataifale – Gava

By Vatapuia Maiava 05 January 2017, 12:00AM

“Ia o le olaga lenei ia e nofonofo loa le tagata o lona iuga o le fia’ai.” Gava Perosa, 45 le matua o le soifua o Utuali’i.

I le fa’atalatalanoaga ma le Fofoga o Samoa i le aso ananafi na ia fa’ailoa ai o si o  latou aiga ma le to’alua ma le fanau e to’alua e fa’amoemoe lava le tausiga i le gataifale.

“O la’u ia mau e sili atu tupe maua a’i matou nei o lo’o galulue i le gataifale i aso ta’itasi nai lo tagata faigaluega.” Gava i le Fofoga o Samoa.

“E fai la’u tala aua e leai se isi o faigaluega o si o matou aiga, ia a alu  le faiva e maua mai i’a e le gata ina fai ai le tausiga o le aiga a e ave e fa’atau isi i’a , ia e feololo lava le tupe e maua mai ai.

“Ia o lo’o ua tatou iloa uma lava e $30 le tau i’a o lo’o ua i ai le taimi lenei, ia a maua mai le tupe pe a fa’atau taui’a e lima i le aso , ia o le tupe lena e mafai ona autilo i ai.

“O tupe uma nei o lo’o maua o lo’o fesoasoani tele i si o matou aiga i le tele o vaega e pei o le tele lava o le mau mea fai o lo’o ua tatou i ai lenei vaitau.

Na ia fa’aalia e pau lava taimi e tau fa’aletonu ai le fagotaina o le gataifalepe a leaga le tau.

“Ia  e pei o le fa’afitauli tele lava lea e feagai ma i matou nei i le gataifale, aua fo’i a leaga le tau e ao lava ona va’ai ia saogalemu lelei le ola ma le soifua.

“O lea lava le itu e au lava ona ave i ai le fa’amuamua i taimi uma, aua i popole tele fo’i i isi itu ae galo ai le ola ma le soifua.

“Ia ae o le tulaga e fa’afetai ai, ia o uiga masani lava o le taua aua e le fa’apea e alu se masina o leaga o le tau, ae o lo’o tele lava le masele e mafai ai pea ona fa’aauau le tausiga o le aiga i so’o se itu.

“Ia e le gata la ina maua mai i’a fa’atau, ia ae mafai fo’i ona fai le faiai pusi ia ma e $20 e fa’atau, ia tasi na tupe maua o lo’o fesoaoani tele i le taimi lenei.

“Ae o le aotelega lava ia o lo’o gasolo lelei lava vaega uma i totonu o si o matou nei aiga.

“E ui lava ina le lelei ai pea aso ona o le taugata o le tau o le soifuaga ia ae o lea lava e le tu’ua ai le taumafai pea e atia’e lelei nai aiga.

By Vatapuia Maiava 05 January 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>