E le faigofie le olaga tauivi

UF
By Ulimasao Fata, 19 November 2017

O le mativa ma le le tagolima ua o’o lava I se tulaga fa’aletonu mo Sulitava’e Samuelu.

O le taule’ale’a lenei ia Sulitava’e Samuelu e na’o tasi lava le pea ofu aoga o lo’o iai mo le tausaga atoa.

“E matitiva lava si o matou aiga ae o lo’o fa’alagolago malosi pea I le ma’umaga aemaise le fa’atoaga, o nai o’u matua foi e le’o faigaluega o le ala lea e na’o le tasi ai lava le pea ofu aoga mo le tausaga atoa.”

Na ia saunoa ai foi I le faigata o le olaga I le tasi pea o le ofuaoga I le tausaga ona e taina lea ma taumafai e fa’amago aua le aso e soso’o ai.

“O aso uma lava e tuua mai ai le aoga e tatau lava ona ta lo’u ofu aua le aso e soso’o mai, o isi foi taimi e tuai ai ona ta lo’u ofu ma e o’o atu lava I le aso fou e le’I mago lava.

ADVERTISEMENT

“O lea tulaga e le fa’avaivai ai e tatau lava pea ona ofu mo le aoga aua lea aso fou talu ai ona e tasi lava le ofuaoga.”

Na ia taua ai foi o le latou aiga o lo’o fa’alagolago I le fa’atauina atu o latou aufa’I ma tauaga.

“E fa’atau matou tauaga ma aufa’i ina ia maua se seleni e faatau ai sina meaai ma nisi mea o le aiga aemaise ai foi meaaoga mo maua ma lo’u uso laititi.”

O le taule’ale’a ia Sulitava’e Samuelu e mai le afioaga o Leusoali’i ae o lo’o aoga nei o ia I le kolisi fa’a itumalo o Anoama’a I Saoluafata.

“O tupe maua mai I mea o lo’o fa’atauina atu o le a fa’aoga lea mo pili aoga aemaise meaai o le matou aiga, ia aemaise ai foi ma pili o le vai ma le eletise a le aiga.”

Na ia saunoa foi ua fai lava si taugata o le soifuaga ua iai nei le atunuu, e tele foi mea o lo’o ia mana’o iai ae ua leai lava se seleni e fa’ataunu’uina ai.

Na ia saunoa foi e le’o aso uma lava e maua mai ai tupe mai mea o lo’o fa’atau atu, o le isi lea faigata o lo’o iai nei ma ia.

“E ese’ese lava tupe e maua I lea aso ma lea aso, o nei e lelei o taeao ua fa’aletonu, ia e le tutusa uma foi aso uma ma lona fa’asoa.”

UF
By Ulimasao Fata, 19 November 2017

Related Stories


Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?