Aua le popole – Agaese

IL
By Ilia L. Likou, 30 July 2017

O lea le finagalo o Agaese Makiasi i le Fa’atalatalanoaga ai ma le Fofoga o Samoa i le aso ananafi, ma o se itu na ia fa’ailoa e ao lava ona manatunatu lelei i ai.

“Ia o le mea lea ua i ai ua tele ina o tatou o e koleni fo’i lea ae o totonu o tatou tagata ia  o le tele o le mau mea o lo’o popole ai le taimi lenei.

“Ae mo nei mea uma, ia ua tatou le popole lelei i nisi vaega ae pei o le tulaga fo’i lele o lo tatou iloa lelei o ai i tatou e gata lo tatou malosi ma le iloa ae o le taumafai tele fua mo nisi o vaega e le tatau ona o’o ai lo tatou malosi.

Na ia fa’ailoa o le isi lea itu e pito sili ona taua o le taumafai lava lea e fa’amamao ese ma le popole aua e fa’atupu ma’i.

“Ia o lea lava le tulaga ogaoga ai pe a ova tele le popole, ua mamao ese atu ai ma tatou ma le ola lelei ae maua ai le fa’ama’ima’i.

ADVERTISEMENT

“Aepeita’i o le a lava le mea ua maua i lea aso mai lea aso ia tatou fa’afetai ai ma fa’aaoga lelei.

 “Ia e le fa’apea la ua fai atu o le fa’amalositino ma isi vaega e leaga, ae e pei o le popole i mea o lenei olaga e fai lava lea ma fa’alavelave tu i nei aso ua o tatou i ai.

 “O le itu e ao ona tatou iloa, a tatou popole tele, ia o lona uiga ua leai se fa’atuatu aia ma avea ma tulaga e ono atu ai le le maua o se soifua lelei.

Na ia ta’ua e ao lava ona o tatou malolosi e tauave o so’o se tulaga o lo’o ua tatou iloa e ono lepetia ai lo tatou ola.

 “Ioe , o le itu leaga lena o le popole aua fo’i e galo ai loa i a te’i tatou le alofa o le Atua, ae fa’asaga atu i vaega e leai se fesoasoani mo lo tatou ola.

“Ae a tu’u atu uma I a te ia mea uma tatou te popole ai, ina ona sologa lelei lava lea o mea uma o lo tatou ola.

“O le mea e uma ai le popole ia o ina e amata ai le fa’atuatua.

IL
By Ilia L. Likou, 30 July 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?