Manatu O Le Fa’atonu - Avanoa faa-Auro mo Samoa

MK
By Mata'afa Keni Lesa, 06 August 2016

E le o le Super Rugby ae o le isi mea e sili ona lelei mo Samoa. I se tasi itu, o le tauvaga o le Super Rugby 10s ua folafola mai ai se manuia e sili atu i lo se miliona tala o tupe mo faailoga- ia e tatau ona sili atu lona  lelei mo le Iuni Lakapi a Samoa- e amata ai loa ona matua fai ni fuafuaga lelei mo lea tulaga.  

O lea matou te talanoa atu i le Brisbane Global Tens-lea na tatala i le Aso Tofi i Takapuna, Aukilani. Na faavaeina e le Duco Events, o lea tauvaga e amata i le tausaga fou ma ua leva ona talanoaina e faapea o le a tauva ma le Lakapi ta’uta’ua o le League Nines i Aukilani mo le isi fa tausaga. 

O le itu e taua mo i tatou e faapea o loo filo Samoa i le 10 o ‘au lauiloa ia o le a auai i totonu o le tauvaga amata. O lona uiga-o se ‘au mai Samoa-lea e sili ona ta’u o le Manu Samoa-o le a ‘ai-filofilo i ‘au tulaga maualuga mai Ausetalia, Niu Sila , Farane, Iapani ma Aferika i Saute-e tauva mo le faailoa maualuga. “O le Brisbane Global Tens o le ‘au iloga lea o le tauvaga lakapi ta’ito’asefulu i luga o le panesa i ona fuafuagauma,” o le faaaliga lea a David Higgins, le faatonu o le Duco Events. 

 “O le tulaga lelei o lakapu, tama taalo ma le nofoaga e faatino ai, le auai ma le faailoga tupe, le tulaga ‘ausia e faasalalauga ma le toatele o tagata matamata e le faatusalia, ma ua avea ai ma tauvaga moni e uiga ese-lea o le a avea ma ma’a faavae i totonu o le kalena o taaloga faava-o-malo.” “Mo le Duco, o se malaga lenei e tolu tausaga ua matua tumu i le tele o lu’itau. “O le amataina o se mea fou-e le o se mea e faigofie. E manaomia le lototele ma le silasila mamao. O lea ua mafai ai ona tuufaatasi lenei tauvaga i se tulaga ese ma o se faafetai lea i tagata uma sa lagolagoina lenei faamoemoe.” 

Faatasi ai ma se aofaiga e ono fuainumera ua avanoa mo le ‘au e manumalo, faatasi ai ma se tupe mo tama taaalo ua faamanuiaina, o le a i ai faatosina uma e taaalo faalelei ai. O le isi faatosina autu o le folafolaga lea mo tama taalo tulaga maualuga  o le Super Rigby –ina ia faa-avanoaina i latou faatasi ai ma fetu e pei o Jerome Kaino ma Israel Dagg e auai mo le tatalaina aloa’ia ma sui o nusipepa. 

Ua uma ona faamaonia e faapea o le Blues, Chiefs, Hurricanes, Crusaders ma le Highlanders-o le a latou auina atu ni ‘au malolosi. Poo le a lava, o lenei tauvaga o se avanoa uiga ese lea mo Samoa.   

ADVERTISEMENT

Ma e tatau ona tatou faafetaia le Duco Events mo le aloa’ia o se taleni uiga ese lea o loo maua i totonu o lo tatou atunuu. A fua i le tulaga, e faigofie lava ona latou filifilia Fiti, ae latou te le’i faia lea tulaga. O David Higgins, o ia lea o se matai Samoa e ala i lona umia o le suafa Segialii mai A’ufaga fai mai e leai se isi ‘au lelei e filifili mai ai mai le Pasefika i lo o Samoa.Ua iloa e le Faiaoga o le Manu Samoa o Namulauulu Alama Ieremia le taua o lea avanoa. 

“Matou te faafetaia ma tali sapaia le avanoa ona o la matou vaai-o se taaloga lenei faava-o-malo a le lalolagi-lea o le a faaalia ai le uiga ese o le tomai o tau taaloga faapitoa ma kalapu-lea o le a faaaliali ai a latou taleni.” O lana faaaliga lea. Ua matou matua fiafia lava ma ua naunau ia lelei le tulaga o le matou ‘au i lenei tauvaga. O loo matou tilotilo i luma ina ia tuufaatasi ma ‘au tetele.”

Ua matua tuu atu o matou mafaufau ina ia manumalo i lenei tauvaga, e leai se tulaga masalomia o le anoano o faafitauli o loo faulala’i mai e faasaga ia Samoa. O le pogai lea e tatau ai i atunuu malolosi o i totonu o le lakapi ona aoaoina mai mea sese na o latou faia-ia latou taumafaiga ia ua le taunuu mo i le Olimepeka. 

O lea matou te talanoa atu e uiga i le auina atu o se ‘au e le’i lava le poto masani i taaloga e agavaa ai-tusa lava pe o iloa le taua tele o ia tauvaga mo Samoa ina ia agavaa ai. O le taunuuga sa matua faatiga lava ma o le a tatou faanoanoa ai i taimi uma tatou te manatua ai. E le mafai ona tatou toe faia lea lava mea sese i le 10s. E matua taua tele ona fai e le lakapi a Samoa se faaiuga lelei e faatosina mai ai a tatou tama taalo e sili ona lelei –poo fea lava o i ai i latou-e tali atu i lenei taumafaiga. 

Ua mae’a ona faailoa mai e le Faia’oga o Namulauulu e faapea o loo i ai lona faamoemoe e taumafai ia tatala mai tama taaalo e sili ona lelei mai a latou Kalapu ina ia mafai ai ona taumafai ia manumalo i lea tauvaga. . O le a faatino vave ni a matou talanoaga ma kalapu ma le Lakapi a le Lalolagi e uiga i tulafono ma le faamatu’u mai, talu ai, ua leva ona fesili mai ia tama taalo ma si’i o latou lima i luga,” o lana faaaliga lea. “O le a matou aumaia se ‘au e sili ona lelei matou te gafatia mo lea tauvaga. O le faamoemoe atu mo a’u ia ou matua taumafai ina ia maua ai se manumalo. O se avanoa tele lea mo i tatou.” E leai se ala tatou te teena ai lea itu. 

Ina ia mafai ona tula’i mai lea tulaga, e tatau i le Iuni Lakapi a Samoa ona teu faafaigaluega nisi tupe e faatosina mai ai nisi o nei tama taalo. Ua uma aso sa faataua ai e le lakapi a Samoa le fatu, loto, naunau ma le mitamita. E ui lava ina faapea o tupe e le o ni mea uma ia, ae i aso nei ma lenei vaitau, e umi se ala e savalia e fuafua ai le eseesega i le va o tagata faa-foliga ma tagata tauva. 

E tusa ai la ma le Global 10s, ua uma ona tuuina mai ia Samoa se avanoa faa-auro e toe faaolaola ai o tatou manuia– o ia mea e lua e tusa ai ma le tupe o le faailoga ua ofo mai-faatasi ai ma le toe aumai o nisi o lea mitamita ua mou atu ona o le tatou lakapi. 

E le tatau ona tatou lafoa’ina lenei mataupu. E tatau ona tatou matua faaaogaina le vaega tele o lenei avanoa. O le a sou taofi. Ia outou maua Samoa se faaiuga uiga ese o le vaiaso Samoa ma ia faamanuia atu le Atua!

MK
By Mata'afa Keni Lesa, 06 August 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?