Mai le $150 i le vaiaso i le $200 i le aso

DF
By Deidre Fanene, 04 December 2016

O le tamā i ā Alaimanono Vaoga, 32 tausaga mai le afioaga o Faleula sa faatalatalanoaina e le Fofoga o Samoa i le aso ananafi e tusa ai ma lana maketi o lo’o faia lea i luma o le auala.

“O a’u sa ou faigaluega muamua ae ina ua leai sesi e atia’ea le aiga o le ala lea na ou nofo ai.

“O le maketi lea ua e va’ai mai ai o se filifiliga pito sili lea ona lelei ona o lea le itu.

“I taimi a’o o’u faigaluega e sau le totogi i le fa’aiuga o le vaiaso e na o le $150 a’o le taimi lenei out e u’ua le $500 i le $600 i le vaiaso.

“O la’u tupe e maua mai i la’u maketi e maua lava le $100 tala i le aso pe ova atu fo’i pe afai e lelei lava le aso.”

ADVERTISEMENT

Sa taua fo’i e Alaimanono o le vaitau lenei o le to’atele o tagata faigaluega e le taitai lava le totogi auā le tausiga o le aiga.

“E fai o le pasese atu i le fale faigaluega, a’o mea fai a le lotu ma le nu’u e uma ifo ia mea uma ua leai ma se tupe o totoe i le taga.

“Ae ina ua fai lenei maketi e uma a’e ia mea uma o lo’o i ai pea le tupe o totoe e pei o le eseesega lena o lenei vaitau.

“E moni fo’i i le taugata o le soifuaga ae pei ua masani ai lava tatou.

“O le tinoū lava o le tagata ia e atina’e lona aiga ina ia manuia.

“Auā e leai lava sesi e fa’amoemoe ai o ita lava ia.

“Ua faigata aso nei a le galue lava le tagata ia e leai fo’i se mea lelei a le aiga o le a maua ma o le a leai fo’i se lumanai lelei mo fanau.

“O le vaitau fo’i lenei ua tupe lava mea uma a le tinoūla le tagata o le a leai fo’i se lumanai lelei o le a maua ai.”

DF
By Deidre Fanene, 04 December 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?