Le faigofie nei aso

By Ilia L Likou 12 January 2018, 12:00AM

O le olaga lenei ia fai mai le loto mea uma.

O lea le talitonuga o  Lolo Tofele, 42  le matua o le soifua o le afio’aga o Vaitele-Uta.

I le fa’atalatalanoaga i le aso ananafi na ia fa’ailoa ai le tulaga faigata tele o lo’o ua i ai le soifuaga aemasie ai le suavai i lo latou aiga.

“Ia o le suavai lava ia e ta’i tolu aso e le ola mai ai ma o se itu faiga tele lea i lo’u ia iloa i ai, o so’o se tagata soifua lava e mana’omia lava le suavai mo le soifua maua,” o lana saunoaga mai lea.

“O lo’u ia lea iloa i ai, o so’o se mea lava e taumafai i ai e tatau lava ona iloa ma ia mautinoa lelei e le malo le manaomia e ona tagata o le lelei mai o auaunaga i vaega nei aemaise  lava le suavai.

“Ua o tatou iloa uma lava le taua o le suavai i lo tatou ola, a fa’aletonu ia e leiloa le mea o le a fai.

“Aua o le tele lava o le mau mea i lenei vaitau e pei e fa’alagolago mea uma i le suavai, e lelei lava le eletise a leai e lelei a mea uma, ae a oki mai le vai, ia e pei o lena o lo’o taoto se matua’i fa’aletonu i o tatou aiga.

Na ia fa’ailoa o lo’o lelei lava le eletise i le taimi lenei.

“ia e pei o lea lava le tulaga e pei ona i ai uta nei, o le suavai  o lo’o ua fai ma fa’afitauli i si o matou nei pito.

“Ia masalo o le tele lava o aiga o lo’o ua feagai ma lenei fa’afitauli i aso uma ma aso uma, ma o le itu taua tele lea i a te a’u lava ia.

O lona talitonuga ‘ua taugata lava le soifuaga’

“Ia e pei o lea lava le itu o lo’o ua mafatia ai nei le aiga, e mo le silafia ai o lo’o mafai ona o matou fa’atauina ati le koko ese, koko  Samoa aemaise o fua o fuala’au aina mo le atunu’u.

“E pei o lea lava le alagatupe o lo’o mafai ona maua ai  tupe mo le tausiga o le aiga.

“Ae e mo le silafia ai ia e tau fa’atino lava vaega uma ona o le alofa i aiga, o le uiga o la’u tala e nofonofo loa, ia o le fiaai le mea e maua.

‘E pei o lea lava le tulaga e naunau ai lava e fa’atino vaega uma nei aua se tupe fa’asili o le aiga aemaise i matou nei.

By Ilia L Likou 12 January 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>