Tapena ma Tuufaatasi e Fuimaono Na’oia Fasavalu Touli F. Tupua mo le Samoa Observer.

APIA SPORTS CLUB

O le APIA SPORTS CLUB na faavae ia Iuni 1903, ma talu mai lena taimi, e tele ni laasaga lelei ua na faia. 

O le faamoemoe autu lava na faatu ai le Kapalu ia faaleleia le ituaiga o solofanua i totonu o Samoa, faatasi ma le maua o se taaloga lelei mo le soifua maloloina o ona sui auai ma tagata lautele. 

O le aofai o ona sui auai i lena taimi sa sili atu i le selau e nonofo i se nuu itiiti e tasi, ona o le lelei o le pulega, lea e avanoa ai soo sona sui auai e maua se tupe tele mai se tupe itiiti na ia tuuina atu. 

O le ‘Au-Mautofi o lea Kalapu e faapenei:- o le Faa-Tamā-o Lana AFioga o Dr Solf poo Solofa; Taitaifono o Herr H.Hansen , o le Sui Taitaifono o  Captain Allen; Teutupe o Mr.H. Gebauer; aufaigaluega o Messrs Allen,Hoeflich; McDonald; Dietze ma Annandale; failautusi- o Messrs Forsell, ma Koch; o lā toina tuuga-Mr Dietze; handicapper o Mr. Browne; faamasino-Captain Hufnagel; tausitusi-Messrs Partch ma Lieber; komiti- o Messrs Allen, Browne, Dietze, Forsell,Gebauer,Hanssen, Huensell, Hoeflich, Lieber, McDonald, Milford,Mueltor, Roberts ma Walker; failautusi- Messrs G.Opfut ma Roberts. E ese ai ma le komiti e to’afitu na litaea faamalolo  i tausaga uma, ae mafai lava ona toe filifilia. 

E tolu fono mo tuuga-Solofanua e fai  i tausaga uma  ma e faaopoopo i ai isi tuuga sa faaaoga i ai solofanua, tuuga-vaa, tauvaga tau fanafanaga, aiga ma faafiafiaga e faatupe e le kalapu. 

O ia tuuga-solofanua sa fai i le matafaga op matafagatele, ae o lona malae na faatau i se vaegaeleele e latalata i le Taulaga. Sa matua fesoasoani le Malo i lea kalapu ma  ana mea e fai. 

TAGATA TINEI-MU E GALULUE FUA

Na faatuina se Vaega Tinei-Mu Galulue fua lea sa aofia ai sui auai o le Apia Social and Athletic Club  ma le Apia Fortbuilding  Verein. 

O taavale tinei-mu ma mea faigaluega uma sa tuuina atu e le Malo, ae sa faafetaia foi le lagolago tau tupe  a e ona fale, ;lea sa fesoasoani tele i le faavae ina o lea faalapotopotoga.

 (E toe faaauau atu  i le faaiugaq o le vaiaso nei, ae ia manuia tele lenei vaiaso).