Taumafai i le mea e gata ai le mafai

FT
By Fetalai Tuilulu’u, 18 March 2017

E tofu lava le tagata ia ma ona fa’afitauli e fetaia’i ai i le olaga nei. Ae o le ola finau lava ma taumafai e maua ai le nofolelei o aiga. 

 O lea le manatu i le tinā ia Tafale Simatautu o le afioaga o Tuāmua i le la fa’atalatalanoaga ma le Fofoga o Samoa le aso ananfi. 

O le manatu fa’alia foi o le tinā 27 tausaga, o le taugata tele o le soifuaga o se tasi lea o fa’afitauli o lo’o feagai nei ma tagata Samoa. 

“O lo’u lava ia iloa iai fa’alētinā o lo’o gafa nei ma le tausi aiga, ioe e sa’o lava ua fai lava sian taugata le soifuaga. O lana lea tala. 

“Ae ā tu’u i se isi itū o se lu’i tau po se fa’amanatu ina ia galue ma aua le ola fa’amoemoe. 

“O le to’atele foi o tagata ua ou fa’alogo iai le faitio le taugata le soifuaga ma ou te lagolagoina foi lea, ma o lea e fia mana’omia ai lau fesoasoani. 

“Ou te iloa o le itūe faigata ai o le talosagaina o le mālo ina ia va’ai ma le alofa mai. Aua foi tusa lava po le ā le tele o atina’e le mālo o lo’o fai e fautuina lava ma talosagaina aua o lo’o taugata lava ma taumafai tagata e ola i le soifuaga ua iai nei. 

 E ui lā i le taugata ma le faigata o le fatu aiga tausi ae fa’ailoa mai lava e le tinā le naunuataiga iā te ia ma le tamā le aiga ina ia galue malosi. 

ADVERTISEMENT

“O le fa’amalosi au o lo’o fai ma va’aiga ia tei maua o le mā fanau, e faia ia mea uma ma nei galuega ona o le va’ai se lumanai manuia o le fanau. 

“Ua tusa nei ma le 3 vaiaso talu na maua le matou vai, ma o se agaga fiafia ma le lagona fa’afetai ona o le paipa ae mai se foi o sina fale tau na nonofo ai. 

“Toe tasi lava le vaega o lo’o misi o se matou eletise, talu ai na talosagaina le eletise ae fa’apea mai le EPC e le’o pasia le matou fale pe le’o mafai foi ona o’o mai se eletise ona o le tulaga o si o matou fale. 

“Mo le silafia o le totogi si o’u to’alua e maua le vaiaso e $120, ou te ta’u māmā atu lava e le taitai na lava ai le fa’asoa. 

“O lea seleni e alu uma le aoga le fanau, o meaai le vaiaso ae le gata i lea o mea fai le lotu. 

“O le vaitau nei o tupe lava mea uma, a le aunoa ma le seleni e leiloa pe fa’afefea ona fa’atino mea fai. 

“Pei o mea fai le lotu o se vaega pito sili lea ona tele,ae ui i lea ou te lē faitio aua o le ala tatau le tausi ekalesia. 

“O le tulaga e popole ai ona na’o si o’u to’alua lava o lo’o feagai ma le su’eina le tupe, ae ua taugata lava le soifuaga ma lē lava ai le fa’asoa. 

“E le’o mautū atina’e o le aiga nei ae peitai o lo’o naunua lava ma taumafai iai, pau o lea o lo’o fai mana’omia lava se eletise. 

E maua le feso’otaiga ma le tinā ia Tafale i le 7733331 mo se fia fesoasoani iai.

FT
By Fetalai Tuilulu’u, 18 March 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?