Tofia Loia Sili avea ma Sui Faatonu o le Ofisa Faatautaia Moliaga Faasoligatulafono

08 October 2016

Ua faamaonia e le Kapeneta le tofia o le Loia Sili, Afioga Lemalu Hermann Retzlaff e avea ma Sui Faatonu o le Ofisa e Faatautaia Moliaga Faa Soligatulafono (NPO).

Ua faamalolo le tumau nei le Sui Faatonu o le ofisa lenei, le Susuga ia Muriel Lui,  e tusa ai o le vaega 11(4), 11(7), ma le 11(8) o le Tulafono  a le Ofisa e Faatautaia Moliaga Faa Soligatulafono 2015 (NPO Act).

Ua tofia foi le Komiti Faafoe o Faatalanoaga o le Tulafono a le NPO e iloiloina tiute faatino o le Sui Faatonu ia Muriel Lui ma le Faatonu lea ua faamalolo le tumau, Mauga Precious Chang.

Ua faamauina e le Kapeneta le faaauau o le teena e le Sui Faatonu faapea ma le Faatonusili o le Ofisa e Faatautaia Moliaga Faa Soligatulafono ia ua faamalolo le tumau, ona faatino alafeagai malosiaga ma tiute mo le tausia o le tulafono  ma le tutoatasi o galuega faafaamasinoga. 

Ua faailoa e le Kapeneta le aliali o feteenaiga le talafeagai i le va o matagaluega a le Malo ma ua faamaualaloina ai le silasila a le atunuu i tulaga o faiga faafaamasinoga i Samoa.  O le isi tulaga, o le a toe iloilo le malosiaga na faavae ai le Ofisa e Faatautaia Moliaga Faa Soligatulafono ina ia mautinoa le faatino pea o tiute o lenei ofisa i le tulaga manino, aloaia ma le faaaloalogia. 

ADVERTISEMENT

O le mafuaaga o le tofia o le komiti faafoe, ona ua aafia Mauga ma le susuga ia Muriel Lui i se faatinoga ua tuuina ai le Faatonu i le tulaga e feteenai ai ma le faatinoga o tiute ma matafaioi patino a le Faatonu ma le solia ai o le Vaega IV o aga tausili, taiala faavae, ma le tulafono laititi o amioga pulea i lalo o le Tulafono o galuega a le Malo 2004.

O le Komiti Faafoe o faatalanoaga e aofia ai:

• Taitaifono ia Grant Hammond, o se tamalii sa avea muamua ma Faamasino i Samoa;

• Tuiloma Neroni Slade lea sa avea muamua ma Loia Sili;

• Peresetene po o se sui o le Asosi a Loia a Samoa.

O le a tuuina atu se lipoti a lenei komiti i le Minisita o le Ofisa e Faatautaia Moliaga Faa Soligatulafono, le Afioga i le alii Palemia, Tuilaepa Sailele Malielegaoi.

 Ua amatalia tiute o le Afioga i le Loia Sili e avea ai ma Sui Faatonu o le Ofisa e Faatautaia Moliaga Faa Soligatulafono i le aso 6 Oketopa 2016.

08 October 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?