O mafatiaga o le tamā matua

By Deidre Tautua-Fanene 31 March 2018, 12:00AM

O le mafatiaga o le tamā matua ia Tapuaisili Faalili mai le afioaga o Leaupuni o le nonofo faatasi lea o ia ma lana fanau ma lona to’alua ise tama’i fale e aunoa ma se tasi e faigaluega.

O lenei tamā o lo’o nonof fa’atasi ma lona to’alua, o lona afafine ma lona to’alua fa’apea ai ma le laua fanau e to’alima.

O le popolega tele o Tapuaisili o le ola maloloina ma le fiafia lea o lana fanau laiti o lo’o ao’oga fo’i.

O le alagātupe a lenei aiga e maua mai lea i le latou fa’atoaga, ae peita’i ua fa’aleagaina e le afā o Gita lea latou fa’atoaga.

O le fale o lo’o nonof ai fo’i lenei aiga o se tama’i faleo’o ma e le tatau ona nonofo ai ni tagata se to’avalu ona e le fetaui.

Imagine living in a shack with eight people, unemployed. 

This is reality for Tapuaisili Faalili, from Leaupuni. 

Sa ta’ua e lea tamā ua atoa nei le fa tausaga talu ona latou nonofo i lea nofoaga ma o le aofaiga fo’i lena o tausaga talu ona leai se eletise mo latou.

Ae toe fa’aopoopo mai ai ma le ma’ema’ea o Gita ua atili ai ona mafatia lenei tamā.

“E leai lava se isi itu matou te fa’amoemoe iai ua na o le fa’atoaga lava,” o lana saunoaga lea i le vaega o le Fofoga o Samoa.

“Ae peita’i ona o le to’atama’i o lenei teine o Gita ua fa’aleagaina uma ai lava matou talo ma le togafa’i.

“E pei ona e silasila mai o lea e tout e tau mai nei o lo’o tau kamuta atu le matou fale ona o le tasi foi lea vaega sa oo iai le ma’ema’eā o Gita.

“O le matou tupe e maua mai i le matou fa’atoaga e maua lava le $100 i le vaiaso i meamata fa’atau atu, ma o se itu lelei lena mo matou.

“Ma o le itu lelei ona o lo’o iai se mea matou te tua iai, ae peitai i le taimi nei ua leai se faatoaga e toe tua iai.

“Ua leiloa poo fea ai o iai i lenei vaitai, pau le tulaga lea e iai o le nofo ma faatalitali mo isi masina e ono ina ia toe lelei mai ai le faatoaga fa’i ma talo.”

Sa ta’ua e Tapuaisili o le latou eletise o loo latou fa’aaogaina le eletise a le latou tuaoi e mumū ai i le po.

“Ua mana’omia lava se matou fale lelei ona ua le’o toe mautu lava le fale o loo iai nei.

“E le sefe foi mo si ou aiga, toe faaopoopo atu ai ma le leai o se eletise ua atili ai ona faigata le olaga nei.”

O le itu tau suavai sa faailoa mai e Tapuaisili o lo’o lelei lava.

“O loo lelei lava le suavai pau lava le itu o le fale.

“A tetele timuga e pei lava o loo matou nonofo i fafo ona e tutulu le fale, e oo lava i tapoleni ua faaleagaina umaae e leai foi ni faamalama o le fale e tali ai le timu i le sao mai i totonu o le fale.

“E oo lava i le umukuka ua leaga faia. 

“O le taualuga ia ua matua’i leaga uma i le afā, o le pusaaisa lea e te taga’i mai ai o le meaalofa sa aumai e le matou faifeau, ae ua leaga foi ia Gita.”

E oo foi i le soifua o le tamā o loo maua ia i ma’i o le tino e fa’aletonu lana fa’alogo ma o le mafuaaga lea na ala ai ona le toe faigaluega.

“Ina ua iai se tulaga faaletonu i lau faalogo sa ou nofo loa ma la’u galuega.

“Sa avea a’u ma ave taavale, a’o lenei ua le toe faigaluega ona e fai lava si le sefe o a’u i luga o le auala pe afai ou te fealuai ae e le mafai ona ou lagonaina ni mea.

“O le ala lea ua ou le toe faigaluega ai.

“Ae o lenei olaga e ese le faigata pe afai ae le galue, ae ui i lea pau lava le itu e mafai ona fai o le taumafai lava ma tilotilo agai i luma i le manuia o fanau o loo tuputupu ane.”

By Deidre Tautua-Fanene 31 March 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>