Ia aoga aso uma o lou olaga

FT
By Fetalai Tuilulu’u, 04 February 2017

I le faatalatalanoaina ai o Kaiva Asiasi, 32 tausaga  mai le afioaga o Magiagi sa ia faalai manatu ai i lona talitonuga “O le galuega malosi ae le pale le tali e maua”

“Ua fitu nei o’u tausaga o o’u faigaluega I  le matagaluega o Tina ma Tamaitai I Sogi ile avea ai o a’u ma se tagata e kilivaiga meli. 

“E le maluelue lo’u taofi I le tele o faamanuiaga e maua I le galuega malosi atoa I ma le faamaoni ma le tuu iai le loto atoa. 

“Mai le fitu o ia tausaga sa mafia ai ona faamanauina ai se faailoga o le tagata finau, faamaoni ma galuega malosi la’u galuega I le faaiiuga le tausaga ga te’a nei 2016.

ADVERTISEMENT

“O le ala foi lea le maututu lo’u taofi po le a lava le tuaiga galuega ete galuega ai o le mea pito sili na taua o le galue ma le faamaoni.

E talitonu foi Kaiva,  e le sala lava muagagana le atunuu, ae faamaoni I mea iti e tofia oe e pule I mea e tele. Sa ia faailoa foi le tele o avanoa faigaluega ma le saogalemu lelei o le olaga o loo tatou iai ae pau lava o lea, o le le faaoga tatau ma finau iai. E ui lava i ia vaega, o aso ua lelei o aso foi ua le lelei. 

“I le nofoaga o loo matou nonofo ai I Magiagi o se nofoaga le sefe ona o ala vai o loo faaleagaina ai matou eleele.

“O le foi eleele e tele sona aoga, aua e malu ma talafeagai e fai ai maumaga ma fatoaga. 

“Ia ae o le olaga lava o lo’o I ai le taimi lenei,ia o lo’o ua gasolosolo lelei uma lava, e  ui lava fo’I ina I ai fa’afitauli ae talitonu olo’o sologa lelei mea uma i le alofa ma le agalelei ole Atua.

“O lea lava fo’I le fa’amoemoega o lo’o ua I ai nei, ia taumafai ai pea e atina’e o so’o se vaega aua le lelei lautele o le atunu’u.

“Ia o le fa’amoemoe lava I le Atua e sologa lelei ai vaega uma.

FT
By Fetalai Tuilulu’u, 04 February 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?