Ia galulue fa’atasi

VM
By Vatapuia Maiava, 18 September 2016

O le galulue fa’atasi ai o Ekalesia i totonu o afio’aga ta’itasi o lea le manatu maualuga o le tamā matua o le afio’aga o Mulifanua i a Tamailelagi Na’otala.

E afea e le Fofoga o Samoa le afio’aga i le aso o le vaiaso na se’i mavae atu  o lo’o galulue i le tu’i fu’a ai o le alatele mo le fa’amomoe o le Ekalesia o le ‘Au Pa’ia o Aso e Gata  lea o le ā fa’ataunu’uina i le vaiaso o lo’o lumana’i nei.

Na fa’ailoa e Tamailelagi o lo’o teuteuina atu lava lumāfale uma e amata atu i Mulifanua se’ia pa’ia Falelatai.

“Ia e le gata mo le Ekalesia ae o se va’aiga lava lea o lo’o taula’i i ai le va’ai a’i matou nei ia e  mo le nofo lelei ai o tagata uma,” Tamailelagi.

“E le gata la i la matou Ekalesia ae o lo’o fa’apea ona so’oso’o tau’au uma ai sui o afio’aga ta’itasi mo le ola fa’atasi ma fealofani o tagata uma.

ADVERTISEMENT

O lona finagalo, e le gata ina galulue le Ekalesia a ia fa’apea ona o’o le fe’au i le tupulaga.

“E pei ona ou ta’ua ia e leai lava se isi mea o taula’i ai i le taimi lenei, ae pei o le tulaga lava o le galulue fa’atasi  i taimi uma.

“Ia e pei o lena le fa’amoemoe tele lava, e pei o le fa’amoemoe o lo’o matou aga atu nei i ai, ia e mo le fa’amanatuina ai o le 45 tausaga talu ona tula’i mai la matou Siteki i lenei pito o le atunu’u.

“E tele ni tapenapenaga o lo’o alo atu ai i le taimi lenei , aua e fai ta’avale teuteuina ma isi vaega aua le fa’amatagofieina o vaega uma.

O le fa’amoemoe olo’o alo atu o le a aofia ai le tele o vaega o le Ekalesia.

“O le fa’afetaia lava o le alofa ma le agalelei o le Atua, aua tatou te molimauina lava a le aunoa ma lona fesoasoani ia e le mafai ona taunu’u ma le manuia ni fuafuaga tatou te faia.

“O le agaga maualuga lava ia o le tu’ufaatasiga ma le fegalegalea’i o Ekalesia ma ia lagolago le isi Ekalesia i le isi Ekalesia.

“Ia ma fa’amoemoe lava i le lagolago a  alii ma Faipule mo le filemu, ia  tutupu mai tupulaga e feola fo’i ma galulue fa’atasi.

VM
By Vatapuia Maiava, 18 September 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?