Fia fa’aleleia auala

By Aruna Lolani 01 May 2017, 12:00AM

A lelei auala o le a le  taumateina le lelei ma le saogalemu o feoaiga a le atunu’u mai lea itu i lea itu.

O lea le finagalo fa’aalia o le tinā i a Va’aiga Leatapue o le afio’aga o Tufulele i le Fofoga o Samoa i le aso ananafi.

 “Ia o a’u e i ai lava le faleoloa ma o lea le tulaga o lo’o va’ava’ai atu lava i ai, ina ia mafai lea ona fa’aleleia auala i uta nei mo se taimi vave.

“Mo le silafia ua fai si leva o feagai si o matou pito nei ma lenei fa’afitauli ma o le tulaga lava lea e tatau ona fa’atinoina ai o so’o se vaega.

 “Ia o le isi tulaga lea e faigata ai lava ona o’o mai i uta nei si o matou nei pitoinu’u ma e e feoa’i , ona o le leaga o le auala.

“I lo’u iloa i ai o lea le tulaga faigata e o’o i ai pe afai ae le mafai ona fa’alelei nai o matou auala i uta nei.

 “E pei o le  taimi faigata lava pe a timu, ia e matu’ai to’a solo le vai, aemaise o omo’omo tetele o le auala ma faigata ai lava i tagata feoa’i.

 “O le tele lava o taimi e matua’i fa’aatu lava le avata’avale pe afai atu ai e sau e momoli mai matou i uta nei.

“I a te a’u ia, o lae fo’i e sa’o nai ave ta’avale, aua e fai o le omo’omo ae o le matua’i lau leaga lava, toe pefu.

 “Ia e amata mai lava i tai o le ‘a’ai e o’o mai i uta nei le fa’aletonu o lo’o ua maitauina i lenei vaitau.

 “Ia o le mea lea ua i ai ua uma atu lava le faigapalota ma le mau polomise na fai mai, ia lea lava ua leai atu lava ma se mea.

“E pei o le saogalemu lava o lo’o ua taumafai atu ai.

By Aruna Lolani 01 May 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>