Siamupini o Siamupini - Fuafua mo au-ta’a’alo o Olimepeka i le lumana’i

LT
By Lanuola Tusani Tupufia, 16 August 2016

A’o fa’agasolo Ta’aloga a le Olimepeka i Rio i lenei lua vaiaso, fa’apea le leai o se fa’amoemoe o se pine a Samoa e maua mai ai, ua mautu ai le finagalo o le Ali’i Palemia, ina ia silasila toto’a ai e matua tapena lelei mo le isi Ta’aloga fa’apea e soso’o ai.

Sa fa’apea fo’i ona ia tu’uina atu o se lapata’iga malosi i ‘Au-ta’a’alo ma latou e va’aia ta’aloga, o le ‘auai i Ta’aloga fa’apea, e le mo latou e tau- fa’ata’ita’i a’o latou e mautinoa e maua ai ni pine ma ua iai fa’amaoniga i le Kapeneta, ua latou ‘ausia tulaga agava’a e tauva ai.

Na saunoa Tuila’epa, o le Sa’iliga o Siamupini o Siamupini o Afeleti, o le a fa’aaoga e sa’ili ai ‘au-ta’a’alo lelei mo Ta’aloga a le Olimepeka.   

 “E tatau ona filifili lelei ‘Au-ta’a’alo ma koleni lelei i le isi fa (4) tausaga o muamua, e tapena ai mo le Olimepeka i Iapani.

“O le fa’amoemoe tele lea mo latou ia, ia avea ma o tatou sui i le isi Olimepeka.’

“Amata atu i le tausaga nei, o le a avea le fa’amoemoe lenei o se avanoa e filifilia ai tama’ita’i ma ali’i-ta’a’alo o le koleni lelei i le isi fa tausaga, ina ia maua le malosi ma lava le iloa ma le malamalama. O le taimi nei, e matua leai se uiga o tauvaga ma ta’amilosaga o faia nei mo le aga’i i luma mo ta’aloga tetele nei.” 

ADVERTISEMENT

O se fa’ata’ita’iga, sa ia ta’ua ai se tasi o tagata-ta’alo na avea ma siamupini i se tasi o ta’aloga i le Pasefika. Peita’i na ta’ua e Tuila’epa, e ui lava i lena tulaga, ae le’i ‘ausia ai lava tulaga mo’omia e tauva ai i le Olimepeka.

 “O le mamao e tatau ona o’o iai lau togiina o le ma’a-mafolafola ina ia maua le pine-‘auro, e 80 mita,” o lana fa’aaliga lea.

“O le mamao e agava’a ai e 70 mita peita’i e na o le 50 mita le mamao o le togi a le tagata-ta’alo lea. O i e ta’u mai ai, e ui ina tatou manana’o e ‘ave le teine-ta’alo lea, peita’i, e le agava’a.”

Na fa’aauau ona saunoa le Palemia, i tulaga tau si’isi’iga-u’amea mamafa, lea e tatau ai o na o latou ua ‘ausia le maualuga ua fa’atulagaina mai. “Afai o lau si’i aupito maualuga o le 200 kilo a’o le 300 kilo e maua ai le pine-‘auro, lona uiga, e manino lava le ma’umau o le taimi e alu ai,” o lana fa’aaliga lea. 

“E o’o mai lava i le aso, e le’i o’o atu lava i le Kapeneta ni fa’amaumauga fa’apena matou te iloa ai, o ai e tatau ona alu a’o ai fo’i e ma’umau ai le taimi.

  “O lo’o iai pea le ituaiga mafaufauga lena ia tatou, na ona o e “a’oga ma a’oa’o” mai ai.  

“Ua tele tausaga o tatou faia lena mea o le “a’o’oga ma a’oa’o” mai ai, ma o tagata tonu o lo’o fiafia pea e fai lena mea o le tafafao i Ta’aloga nei, o ofisa ma latou e va’aiga ta’aloga…na ona manana’o e ‘auai ma fa’afiafia ai lava latou.”

Na ta’utino e le Palemia, o se luma mataga o Samoa le le-mafai ona ‘auai i Ta’aloga fa’apea peita’i sa ia fa’amamafa pea, e tusa lava pe na o le to’atasi se tagata –ta’alo e agava’a, e sili mamao atu lena.   

A o se avanoa lelei tele le Sailiga o Siamupini o Siamupini, e filifili mai ai ni tagata ta’a’alo aupito lelei mo Samoa i le lumana’i. 

LT
By Lanuola Tusani Tupufia, 16 August 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?