Fa’atupula’ia fa’alavelave ona ava malosi

FT
By Fetalai Tuilulu’u, 01 May 2017

O le aso ananafi na maua ai le fa’atalatalanoaga a le Fofoga o  Samoa ma Tu’umaiai Va’ataulo.

O lo’o nonogfo o ia ma lona aiga i le afio’aga o Faleula-Uta.

Ua 50 le matua o lona soifua ma na ia fa’ailoaina nisi o atugaluga ua i ai nei ona o le to’atele o tagata ua fa’apea ona ma’imau le soifua ona o le ava malosi.

 “Ia e pei o matua lava le amataga o le fa’aletonu o olaga o tagata,” o lana tala mai lea.

 “E pei o lea lava le atagia o lo’o mafai ona tatou maua mai fanau ma  o latou olaga, o lea lava le tulaga o lo’o ta’ita’ia ai  e matua.

 “Afai lava e tausia le fanau i ala e tatau ai, e le tau fesiligia le ola ai lava i le lumana’i, ae afai lava e le’i faia i ai se galuega ia o le a la mea o le a mafai ona fai.

ADVERTISEMENT

 “Ia o lea lava le tulaga ua maitauina i lenei vaitau ma ua le mafai lava ona toe fai i ai se isi fuafuaga ona ua fa’atupula’ia lava lea tulaga.

 “E o’o fo’i lava i totonu  o nu’u ma afio’aga ta’itasi , o lea lava fa’afitauli ua maitauina.

Na ia fa’ailoa e tatau lava i le malo ona i ai fo’i nisi o vaega e tatau ona silasila i ai.

“Ia e masalo o le tele o nisi e le malamalama lelei le fa’aletonu o vaega nei se’iloga lava  e fa’alogo ua tupu se fa’afitauli ia fa’atoā tau ano mai lea/

 “O lea ua o tatou molimauina uma le si’itia ai o e ua maliliu ona o le so’ona tagofia o le ava malosi.

“E ao fo’i ona o tatou va’ava’ai lelei ai aua se tali mo lea tulaga.

 “I a te a’u lava ia o lea lava le tulaga e ao ona o tatou va’ava’ai i ai,

 “Ia o totonu o si o matou nu’u ia o lea o lo’o fa’ataunu’uina lava fa’asalaga latou i lea tulaga, ma o lo’u lea manatu o le a fesoasoani tele ai mo nai o tatou tagata aemaise o le manuia alu i luma o le atunu’u.

FT
By Fetalai Tuilulu’u, 01 May 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investigative articles.

Ready to signup?