Fa’ailoga le Aso mo Tagata Palota

IL
By Ilia L. Likou, 03 March 2018

O le aso ananafi na fa’ailogaina ai i Samoa le aso fa’apitoa e fa’ataua ai tagata palota ma le sao o tagata uma i faiga filifiliga a le atunu’u mo le filifilia o ona ta’ita’i fa’a-le-malo.

O se savali na ta’ita’ia mai e Leoleo na amatalia ai lea fa’amoemoe mai luma o le Ofisa o Leoleo aga’i mai luma o le Fale o le Malo lea na mafai ona auai ai nisi o Kolisi ma Tupulaga Talavou o le atunu’u.

O ni tauvaga lauga ma fefa’asoa’iga o manatu na fa’atinoina e unai ai lava le sini Autu o lenei tausaga ‘U’una’ia o le Auai o Tupulaga Talavou i Faiga Palota’

I le saunoaga autu o le aso fa’apitoa na saunoa ai le Minisita o Fa’amasinoga, Fa’aolesa  Katopau Ainuu e fa’atatau i lea aso fa’apitoa mo tagata palota.

“O le manulaiti tulituliloa a le Ofisa o le Komesina o Faiga Palota o lo’o atagia ai le fa’amoemoe ia talisapaia e o tatou Tagata e aofia ai ma tupulaga talavou le fa’atauaina o lou aia tatau e filifili ai o tatou taitai e ala i Faiga Palota.

“O le fa’amuamua pea o fanau aoga ma tupulaga talavou i lenei polokalame, ina ia taumafai pea e toto i mafaufau ma loto o le fanau le taua ma le aoga o le faia o le filifiliga sa’o ma le fa’amaoni.

ADVERTISEMENT

“I le maea ai o le tele o tatou Faiga Palota ua mavae, e mae’a loa Faiga Palota ona maoga atu fo’i lea o talatalanoaga e faia ai sei’a vagana ua toe latalata mai le isi Faiga Palota.

“O le ala foi lea e alai ona fa’atalatalanoa ai so’o se mataupu e patino i aia ma tiute o o tatou tagata e tatau ona faia pe a oo i taimi o Faiga Palota.

Na ia fa’ailoa foi  ua maitauina ma le fa’anoanoa le fa’atuputupula’ia pea o le maualuga o le fuainumera o tupulaga talavou o e le o resitalaina e avea ma tagata palota.

“O lona uiga o lea mea, o lo’o to’atel fo’i tupulaga talavou e le o faia so latou sao ooo se latou lei o le filifiliina o taoitai o le tatou atunu’u.

“Ae o le tele o taimi lea tatou te faitau ma fa’alogologo ai i le tele o a latou faitioga i mataupu o lo’o aafia lo latou soifua.

“Ae foliga mai e latou e latou te le o faatauaina tonu le avanoa taua lenei o Faiga Palota e auala mai ai so latou leo.

Na fa’aleoina foi e le Minisita le agaga fa’afetai i aoga na mafai ona auai aemaise autalavou ma le galuega fita o lo’o feagai pea ma le Ofisa o Faigapalota.

O le lona lua ai nei o tausaga talu ona fa’amanatuina i Samoa lea aso taua.

IL
By Ilia L. Likou, 03 March 2018

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?