Mana’omia le tamã se suavai mautû

FT
By Fetalai Tuilulu’u, 01 April 2017

Ua leva ona feagai se tasi o pitonu’u gauta o le afioaga o Papaseea ma le leai o se suavai. 

O le aso ananafi na maua ai le fa’atalatalanoaga a le Fofoga o Samoa ma le tamā i a Fereti Atai 32 tausaga le matua le soifua,  ma na ia ta’ua ai le talia pea o se fesoasoani. 

“E pei ona ua outou silasila mai ai nei, ia ua pau lava le tulaga faigata o lo’o ua feagai ma nofoaga uta o le afio’aga o le suavai lava. 

“Ua fai si leva o matou feagai ma le fa’afitauli ma o le naunautaiga ia vave maua se suavai. 

“A o’o lava le taimi e leai ai se timu ae na’o mugala ia ona pagatia loa lea o i matou i uta nei, ae pei o le timu o lo’o mafai ona fesoasoani i le tele o taimi. 

“I a te a’u lava ia ia ua leva ona ave talosaga i le tele o le mau sui na tutu mai i si o matou pitonu’u ae o le tulaga olo’o ua i ai nei, ia ua faigata lava le tau aumai o le suavai i tai. 

ADVERTISEMENT

Na ia fa’ailoa ua leva tele ona feagai lo latou pitonu’u ma le suavai

“Ia na o’u laititi mai lava a’u ia ,e  leai lava se suavai e sau i uta iinei, ma o se tulaga fo’i lea ua alu alu fo’i ua le fia i ai. 

“O le isi itu alofa ai o nai fanau, aemaise ai ia lea ua toe a’e le aoga e mana’omia lava le suavai. 

“I a te a’u ia, o le itu olo’o titilo i ai le taimi lenei e le fa’apea o le taumafai lea efa’aleaga ai ma ai, ae o le taumafai atu pea ina ia vave o’o mai le suavai i uta nei. 

I le fa’atalatalanoaga fo’i na ia fa’ailoa ai o lo’o i ai se puna i gatai o le ‘a’ai. 

“Ia e mo le silafia ai e le mamao ae e le mafai ona inuina le puna, ma o lo’o tafe atu i tai. 

“O le tulaga fo’i le le e aoga mo le fa’asusuina o le ele’ele mo mea toto ae le mafai mo le faiga o ni mea’ai ma e le fa’apea fo’i la’a puna ai taimi uma. 

“Ae pei o lea le talaosaga i le malo ina ia alolofa ma fesoasoani mai, e le mafai ona alu alu ai pea fa’apenei si o matou pito e aunoa ma le vai

FT
By Fetalai Tuilulu’u, 01 April 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?