Galue i le faatoaga, o se faamanuiaga tele lea

SS
By Seia Soloi, 02 March 2017

A ola faalagolago i le faatoaga mo le tausiga o le aiga i aso uma. O le alagao’a pito i manuia lava lea ma le lelei mo lou aiga.

O le Tama ia Ausage Lotou, 56 tausaga le matua mai Nuuu-Fou, o lana lea galuega i aso uma, o le galue ma le malosi i lana faatoaga aua se tupe mo le tausiga o ia ma lona aiga i aso uma.

“E leai sa’u galuega, ua sili ia au lo’u sau ou te galue i lo’u faatoaga aua e tele la’u tupe o lo’o maua mai ai.

“Faatoaga o talo, aemaise o le toga fala ma niu, ma olo’o faatauina atu e se tasi o faletalimalo tele I totonu o lo tatou atnuu.

O le faletalimalo o Tanoa Tusitala lea o lo’o faatauina atu iai fua o faaeeleeleaga a le tama, ma na ia tau’a o se tupe tele mo ia ma lona aiga.

ADVERTISEMENT

“E $2tala I le niu ma le fala o lo’o faatau ai ma e selau lava kiliva o lo’o faatauina mo aso, ae e fua lava i luga o le taimi e fua ai, ma o se tupe tele lava mo a’u lava ia ma lo’u aiga.

“E ova ma le afe pe afai na e tele kiliva mo le aso, o le ala foi lea o lo’u toaga e galue lo’u faatoaga, aua e leai lava seisi mea o lo’o o’u faamoemoe iai, na’o le faatoaga lava le tupe vave aua le tausiga o le aiga aemaise mea e fai.

Ua maitauina foi e le tama le tele o faitioga faapea ua tauugata tele le tau o le soifuaga;

“E faapena lava le soifuaga a alu a i luma le olaga e faapena foi le tau o le soifuaga, siisii i luga.

“E moni ai le tala, e le taua le tele o tala ae taua galuega, tuu la le ola faitio, ae atia’e faatoaga ma faatoaga, aua e tele tupe o lo’o maua mai i ou lava laufanua.

O le faamoemoega o le tama ia Ausage i le lumanai, ina ia maua sana taavale fou mai i tupe o lana faatoaga;

“O la’u miti na o lo’o iai, ae e le mafai ona taunuu pe a ou le galue malosi, o le ala foi lea o lo’u naunau malosi ina ia maua, ina ia faigofie ai mea e fai o le aiga aemaise foi o a’u ma la’u galuega.

SS
By Seia Soloi, 02 March 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?