Fia avea ma Alafoti i le lumana’i

IL
By Ilia L. Likou, 24 September 2017

O le maua ai o le fa’atalatalanoaga ma le Fofoga o Samoa i le aso ananafi ma  Ranj Ifo o Tuana’i na ia fa’ailoa ai le fia avea o ia ma le isi Alafoti Faosiliva i le lumana’i.

O lo’o aoga nei i le Kolisi o Uesele ma ua 17 nei ona tausaga.

“Ia o le fia avea ai ma tama lakapi o se miti ua leva na ou nofo ma a’u ma o le mafua’aga fo’i lena ou te fiafia ai lava e matamatama taga uma a le ali’i o Alafoti i luga o le malae."

“O lo’u lava ia iloa i ai a tu’u ai lava le mafaufau, ia e ausia lava, ma o se itu lelei tele lea mo a’u o le i ai o se vaega o le olaga o lo’o taula’i ai pea le mafaufau ma le loto."

Na ia fa’ailoa o le to’atele lava o tamaiti o lea lava le manaoga o lo’o i ai.

ADVERTISEMENT

“Ia e pei o lea lava le le tele o i ai matou nei tamaiti, ona o le isi lava itu e fa’aosofia tele i ai matou o le mafai ai lava ona fesoasoani ai i lo matou poto masani aua o lo’o fa’amalosia fo’i totonu o aoga."

O lona iloa e tatau lava ona o fa’atasi ta’aloga ma le aoga.

“Ia o le manatu maualuga lava lena o lo’o i ai le taimi lenei, o lo’u iloa i ai o se itu taua tele lava lea i le va’ava’ai atu ai le lumana’i."

“A le mafai lava ona faia se isi gaioiga mo se galuega ona ua leai le aoga ia mafai lava ona e alu e ta’alo ae a leai fo’i le ta’alo ia su’e le galuega."

“E pei o lo’u ia iloa i ai e tatau lava le o  lua ai o vaega nei  ina ia mafai ai pea ona maua e le to’atele o fanau le ola e finafinau ai i so’o se mea lelei, pe filidfili ai fo’i i ta’aloga ma le poto e maua mai le potu aoga."

Na ia ta’ua o le taimi lenei o lo’o i ai lava le manatu maualuga ina ia mafai ona ave le olaga a’oa’oina ma ta’aloga.

“O le uiga o la’u tala e leai lava se mea e leaga ai, ae ao lava na ave le fa’amuamua i le aoga, aua e pei o i e fa’apena ona mausali ai le ola e aga’i ai pea le lumana’i ma tulima’i o so’o se miti o lo’o mafai ona mafaufau  i ai."

IL
By Ilia L. Likou, 24 September 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?