TA’UTINOGA A SAGATO AOKUSITINO-OLA FAATA’ITA’I IA KERISO

FN
By Fuimaono Na’oia Faasavalu Touli F. Tupua, 12 June 2016

E UIGA I LE FIAFIA O SE AGAGA SA’OLOTO-E MAFAI ONA MAUA MAI LE TATALO FAATAUANAU-I LO LE FAITAU SO’O

ADVERTISEMENT

Le Alii e-o le galuega lenei a se tagata amio lelei-ma ia ‘aua ne’i faatalalē lona mafaufau i mea o i le Lagi-ma le anoano o tausiga ua mavae atu e peiseai-e le popona i ai-ma e le o se amio foi e ese ai-ae ona o le taui o le mafaufau e sa’oloto-e le o loo pipi’i mau i se mea na faia-ae o le alofa moni!

Ou te aioi atu i Lau Afio, o lo’u Alii ma lo’u Atua e alofa mutimutivale-ia e tausi a’u mai mea o lenei lalolagi-ina ne’i saisaitia ai o a’u-mai mea e tatau ona fai e le ola faale-tino-ina ne’i o’u naunau ai e saisaitia a’u e mea e fiafia i ai; mai faafitauli o le agaga.

Lo’u Atua e-o le suamalie e le faamatalaina e i’u ina oona ai mea fiafia uma o lo’u naunau faale-tino-ma tosina ese atu ai a’u -mai le mea ua e faataatia i o’u luma ina ia maua ai lo’u fiafia. Lo’u Alii e-‘aua e te tuua le tino ma le toto e pulea a’u-ia ‘aua ne’i e tuua  le lalolagi ma lona mamalu e le tumau-e faasese a’u nei; aua e te tuua le tevolo ma ana ‘au e taofi a’u.

Ia e aumai ia te a’u le lototele e tete’e atu ai, ma le onosa’i e tali atu ai- le lotomau e faatumauina ai. Ia e foa’i mai-e fai ma sui o mea lelei uma o le lalolagi-le una’iga suamalie a lou Agaga-ma e fai ma sui o lou alofa faamaoni-e liligi mai i totonu ia te a’u-e le alofa i Lou Suafa!

FN
By Fuimaono Na’oia Faasavalu Touli F. Tupua, 12 June 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?