Fa’ata’ita’i lava galuega le tamā

By Aruna Lolani 27 June 2017, 12:00AM

O le maua ai o le fa’atalatalanoaga le Fofoga o Samoa ma Tovia Tagiloa, 51 o  Lauli’i o lo’o malolo mai ana galuega. Sa ia taua le fia fa’ata’ita’i i galuega fai a si ona tamā. 

“O a’u nei sa faigaluega i le Ofisa Faifa’atoaga ma ua fai si leva na ou faigaluega. 

“O le 1999 na ou faigaluega ai ma e o’o mai lava le taimi nei o lo’o o’u galue pea. Ia o lo’u naunautaiga lava o le fesoasoani i lo’u aiga. 

“Ua maliliu o’u matua ae o lo’o tama lava sa ou fa’amoemoe ia ma o lo’u lu’itau foi lea i la’u galuega. 

“Talu ai ona ou fa’amalosi livi ona fa’aoga o le ala foi lea o lo’u le faigaluega. 

“O lo’o taumafai lava e fa’aogataau le taimi aua e le masani ai lota olaga i lenei mea o le nofo le fale. 

“O le galue malosi lava ma le fa’alagolago i la’u galuega. 

“O mea uma nei e foa’i mai le Ali’i ia lea e tau aumai e fa’atau e maua ai sina seleni aua e leai se isi o faigaluega o si o matou aiga e pei ona ta’ua muamua.

“O le fa’amoemoe foi i le fanau mai fafo, ae o lona lua o le fa’amoemoe o le maumaga.

“Ia o lo’u iloa i ai ua faigata lava le olaga , aua e pei lava a leai se tupe i le aiga ia e leiloa le mea o le a fai, ia pau lava le tulaga e a ona fai ia o le saka ma tunu le ti ia uma fo’i le aso.

 “E pei e popole lava o tamaiti, e pei o fanau lava e taua ia maua lava se mea’ai, e mo le silafia ai a  aumai tupe maua mai le fa’atauina o vaega nei ia ona maua mai ai lea o sina mea’ai.

“Pei na fai atu le taimi ua sola o ita nei e leai  to’alua e o lo’o tausi lava le aiga ma fesoasoani i nai o’u tuafafine ma uso. 

“Ia o lo’o fa’aoga atu le taimi e tapena ai nei maumaga manu o maua e malosi ma le aso e e malolo mai a i aiga. Toe foi foi lea i galuega le vaiaso fou. 

By Aruna Lolani 27 June 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>