Leai se auala faigōfie i lenei lalolagi

AL
By Aruna Lolani, 24 September 2017

O Sam Tau lenei mai Leauva’a.

O se fai fa’ato’aga e 33 le matua o lona soifua ma sa maua lana fa’atalatalanoaga a le Fofoga o Samoa ma ia ao agai atu e fai ana fa’atauga mo le to’ona’i o le Aso Sa.

“O le mea lea ua i ai, a le galue a le tagata, ia e leai foi se seleni e maua,” o lana tala mai lea.

“A leai loa se galuega po’o se seleni ia ona leiloa laia pe fa’apefea ona tausi le aiga."

ADVERTISEMENT

“O le ma’umaga la lea ou te galue ai aua le tausiga o lo’u aiga ae o lo’u aiga foi, e toatele tagata o lou aiga. Ae o le mea e lelei ai, o lo’o iai tagata e faigaluega aua sesi fesoasoani mo le aiga."

“E maua a la la’u selau tala pe ova atu foi i le vaiaso pea faatau atu au meamata. E lava ai a le fa’asoa mo a’u aemaise foi le aiga.”

Sa taua foi Sam e iai foi mea a le nuu ma le ekalesia e tatau ona fesoasoani ai tagata o le nuu uma.

O ia e galue mai le Aso Gafua se’ia pa’ia le Aso Tofi ona fa’atau lea o ana meamata i le Aso Faraile ma le Aso To’ana’i i le maketi i Fugalei.

“E leai se aiga ua faia i le taimi nei aua o lea lava e taumafai e tausi muamua le aiga lea e i ai ia ma atina’e fo’i le ma’umaga aua se lumana’i lelei pea maua le aiga. Ua le toe faigofie se mea i lenei vaitaimi."

“Ae o le isi foi mea o le tau o le soifuaga; ua fai lava sina taugata ma a le galue a le tagata ia o lona tigaina tele foi lena."

“E leai a se auala faigofie i le olaga nei, ua faigata uma mea uma ma e taua lava le olaga galue.”

AL
By Aruna Lolani, 24 September 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?