Manatu O Le Fa’atonu - Ua i totonu o le Kapeneta le Tusi Saisai

Fe
By Faaliliu e Seagaitumua Tupuola, 12 June 2016

O le amataga o lenei vaiaso na fai e le Palemia o Tuilaepa Sailele Malielegaoi se mea e tai tutusa lona leo ma se olega faamomoi-loto-lea na ia iloa lelei o loo fia faalogo i ai tagata uma.

O lea olega e faasino i se mea mataga ua faaigoaina o le faaleagaina o le malo ma lona tausiga, faiga pi’opi’o lea ua loa ona tete’e i ai tagata uma ma le leo tele –mo le tele o tausaga ua mavae.

Ma i le taimi nei-ua ‘ausia e lea mataupu le tulaga ua matua gasegase ai o ie e pei o le a oti-pe a faalogo i ai i soo se nofoaga e alu i ai, i le taimi nei-ua tonu i lona mafaufau o le a na faamutaina lenei mea faavalevalea ina ia le toe tulai mai. 

Peitai, ua na faailoa atu lana faailoga i se tulaga manino ma malamalama i totonu o lenei atunuu-o le avea o ia ma ona Palemia mo se sefulu ma le ono tausaga-faamata e le o le taimi tonu foi lenei e matua titina ese ai faiga pi’opi’o mai totonu o galuega a le malo o Samoa?

Ma-na soso’o ai ma le taunuu atu o le Galuega a le Vaega Faa-Itulagi o le Pasefika a Malo Aufaatasi e Tete’e i Faiga Pi’opi’o (U.N-P.R.A.C.) i le vaiaso talu ai ma le faamoemoe e fesoasoani ina ia ‘ausia lava le tulaga, ma ua fiafia Tuilaepa i le asŏ. 

Na tuuina atu i ai le avega tau le faamaopoopoina o se Mafutaga Tau Aoaoga lelei mo Ofisa Sinia o le Malo mai le salafa o le Pasefika, na faatonuina i latou ina ia:

 “Faaleleia) le malamalama o sui auai e uiga i le Teeba e le Fono a Malo Aufaatasi o Faiga Pi’opi’o, le toe iloiloina atoa o faiga tau le tulaga mamalu o loo i ai nei faapea foi ma le una’ia o le talia o fuafuaga o loo faatῡtῡ i le tuuina atu o auaunaga lautele i se tulaga e sili ona lelei.”

 O le tala e faapea o le Komisi o Galuega a le Malo o Samoa ma le “sili atu i lo le 30 ofisa sinia o le malo mai le malo o Samoa, sa auai i lea mafutaga tau a’oa’oga. 

Ma ona o’o ai lea i le taimi mo Tuilaepa e saunoa ai, ma e pei lava o le tulaga e masani ai i se taimi faapenei, na tapena o ia e tusa ai ma le faamoemoe, E na o le gagana Samoa na saunoa ai.

Ae peitai, i totonu o se faamatalaga na tapena lea auina mulimuli mai i lenei nusipepa, fai mai a ia: “O tagata Samoa ta’ito’atasi ma tagata Samoa uma ua i ai le aia tatau e tāpā o latou ta’ita’i ua filifia ma tagata faigaluega o le malo ina ia tutumau i le mea moni ma le faamaoni, e taui atu ai lo latou totogiina o lafoga. 

 “Latou te tuuina atu lo latou faatuatuaga i outou luga i le avea ma tagata faipisinisi e fai ai faaiuga sa’o ia e le afaina ai i soo se itu o latou soifuaga.”

Sa faagasolo lana saunoaga ma una’ia tagata faigaluega o le malo ina ia tuuina atu le faamamafa i luga o latou tiute tauave ina ia ‘ausia ai se vaega “faamaoni, tulaga lelei ma le faatuatuaina,” ma na toe ta’ua ai e faapea “e leai se mea e sili atu ona taua i lo faiga faavae tau le faamaoni ma le tulaga mamalu.

Sa faamanatu atu foi e Tuilaepa e faapea “o le tau o le le faamaoni ma le amio e le lelei o loo totogi (e) le tagatanuu mativa. E mafua ona o sene ta’itasi uma e te faaaogaina sese ma faaaoga ma le le tatau-o lona sao lea i se faafitauli tele, lea e mulimuli ane ona aafia ai le soifua o le tagata masani.”

E sa’o a ia. Ae peitai-o fea sa i ai o ia i lenei sefulu ma le ono tausaga?

Na ia toe ta’ua: “O nai tupe laiti e tafetafe atu i le aoga a le nuu o loo manaomia ni tusi se tele poo ni faia’oga; poo i lo tatou falemai lea o loo manaomia nisi foma’i ma alamanuia; poo e toe faaleleia ai le tulaga o tatou auala, aemaise ai lava mo nuu i tua.”

E uiga ese? Manaia tele? Ae toe fesili atu foi, o fea sa i ai o ia i lenei sefulu ma le ono tausaga faatasi ai ma sea fautua lelei ma le alofa, a’o totogo a’e i lea taimi atoa le tele o mea faatiga talu ai lenei tulaga mativa uiga ese ma faatiga talu ai le mata’utia o faiga pi’opi’o faale-alofa a le faigamalo?   

O le tulaga e sili ona fanoanoa ai e uiga i nei uma ona e foliga mai o lea foi ua toe aliali mai le taimi ua te’a.

Pe tusa o le sefulu ma le ono tausaga talu ai lea na lauga ai Tuilaepa i luma o le potopotoga a minisita asiasi mai o le itulagai iinei i Apia, na ia tuuina atu ai se faatinoga uiga ese lea na matua faafiafiaina ai tagata uma.

I totonu o lea lauga-na ia matua faamanino ai e faapea poo le a lava le pulega e auai o ia, o le a ta’ita’ina lava e le “mautali atu, faimea tonu ma le faigamalo lelei.”

.Ma e tusa ai ma lea talosaga-na manumalo o ia i le lagolago a tagata uma, na avea o ia ma latou siamupini ma faata’ita’iga.

I le faagasologa o le ala, o lea ua umia e Tuilaepa i le taimi nei le tulaga o le palemia. E i ai se mea na sese i se tasi itu ma na iloa e le malo e matua leai lava se mea na te mafai ona fai, o lea na tonu ai e lafoa’i le “mautalio atu, faimea tonu ma faigamalo lelei-e le toe faaaogaina.

Ae ui o lea, na iloa lava e tagata uma le mea na sese, na o lea ua avea ai fagai pi’opi’o i lenei taimi ma mea ua sasao faa-afi. Sa le mafai ona pulea.  

I se tasi faaupuga, sa faataga pea ona tuufau e alu faasolo atoa ma ua tulai mai e avea ma mea sili ona aoga i totonu o le malo-ua na o ni nai tagata lava o i latou ma ua iloa e tagata uma i latou ia-na matua faamanuiaina i se tulaga maoa’e mai lea tulaga.

O lea tulaga ua toe faamanatu mai ai le Minisita Faaolioli muamua o Tupe a le Tautua Samoa Party, o Afualo Dr. Wood Salele-lea na ia fautuaina i lea taimi e faapea masalo ua tatau i le malo ona faatu se Anti-Corruption Tribunal.

Fai mai a ia o lenei Ofisa o le a tilotilo i totonu o mea e tutupu mai e uiga i tuuaiga tau faiga pi’opi’o i le taimi lava e mautinoa ai, e pei o maaupu ia na lipotia e le Pule ma Su’etusi Sili i lea taimi, ma lagolaoina e le Komiti a Alii Ofisa o le Palemene. 

O le mea ua tupu, o “tulaga tau tuuaiga tau faiga pi’opi’o” sa talanoaina iinei, e faapea na mafua  mai nisi o tagata faigaluega sinia o le malo.

Fai mai Afualo: “E leai se tasi e i luga atu o le tulafono e aofia ai ma le Palemia ma i tatou uma lava. A tatou soli le tulafono e tatau ona tatou mautinoa e faapea ua uma ona fai i ai le amiotonu. 

 “Ae peitai e le mafai ona taunuu lea tulaga se’ia vagana ai ua i ai se tatou Ofisa e igoa o le Anti Corruption Tribunal.

Na ia ta’ua foi: “Ou te iloa ua leva ona fai mai Tuilaepa o loo i ai le tatou  Komesina o Sulufaiga ma ua uma ona tatou iloa lena tulaga.

 “Ae peitai-ua tatou vaaia le anoano o mataupu i le taimi nei ia e le o faamalieina ai tagata ona o le pule faale-tulafono a le ofisa, o le mea tatou te matua manaomia ai ona fai ia mautinoa e faapea o le mea ua latou faia-o le a faataunuuina.”

Na ia toe ta’ua: Ae peitai-o le mea tonu lava lea tatou te manaomia o le fai lea ia mautinoa e faapea o loo i ai le amiotonu, ma o le matafaioi lena a lenei Ofisa. 

ADVERTISEMENT

 “O le a latou tuuina atu mea uma i le Ofisa o Moliga a le Atunuu.”

Fai mai Afualo o le mea lea ua tatou vaaia e faapea “i le tele o tausaga, ua matua le mafai lava e le malo ona fo’ia mataupu tau faiga pi’opi’o ma le faaaoga sese o le paoa i le tele o tausaga.

Ua tatou iloa uma e faapea ua matua faateleina faiga pi’opi’o,” o lana faaaliga lea.

Ma o le vaifofo o le faatuina lea o se Pulega Tau Faiga Pi’opi’o.

O le itu ua manino mai o lana fautuaga atonu sa faa’amu’amu i ai, inosia ma teena i lea lava taimi ma i le taimi nei-ua le o toe i ai o ia i totonu o le Palemene, o lona si’u fofoga tau le lagona ua matua misia lava. 

Ae poo le a lava, afai ua na o ia o se tagata faaselegā i le pule ma le faaiuga a le Palemia o Tuilaepa i le taimi nei ina ia toe faaolaola le mautali atu, faimea tonu ma faigamalo lelei”i totonu o lana faigamalo, faatasi ai ma se manatu ina ia aveeseina mai totonu o galuega a le malo faiga pi’opi’o ina ia le toe vaaia, o lona uiga-ua lava ma totoe lena. 

Ae o le isi itu, o ai e toe kea i ai.

Talu ai ona o le mea lea tatou te vaaia, i le taimi lea na toe maua ai e Tuilaepa mea uma tau le pulega, sa tatau ona aofia ai ma le toe faatulagaina o lo tatou Faavae faatasi ai ma le fuafuaga o le avea o lenei atunuu ma atunuu ua toe faaigoaina o Samoa Kerisiano, ae ua fai lava sina tuai. 

I se tasi faaupuga, o soo se suiga maoa’e o lenei natura e le mafai ai ona avea ma pisia o le mea ese, e tusa ai ma le tuputupu a’e i totonu o Samo o faiga pi’opi’o-ua fai ai le fuafuaga ina ia liua lenei nofoaga e avea ma ISIS o le Pasefika i Saute.

I le taimi nei o lena faiga o le a vea ma igoa uiga ese mo se atunuu itiiti e pei o lo tatou atunuu, ma e leai se tulaga masalomia-o le a malie i ai Tuilaepa, e ono fiafia foi o ia i lea tulaga e tusa ai ma mea uma ua tatou iloa. 

Atonu o le a fiafia o ia i le manatu e faapea e leai se aoga e toe popole ai e uiga ii a mea e pei o le “mautali atu, faimea tonu ma faigamalo lelei,” poo faiga pi’opi’o

E mafua ona o lea taimi, o ia mea uma sa na tausia Samoa Kerisiano e avea ma atunuu fiafia ma le sa’oloto-na semanu e lafoa’ina ina ua uma ona faaigoaina o le ISIS o le Pasefika i Saute. 

I le taimi nei la-atonu o loo fiafia foi i ai Tuilaepa. Talu ai ona e pau lava le mea na te faia i le taimi nei o le faailoa atu lea i Malo Aufaatasi ina ia tuu le faatupeina o ia mea e pei o “Fonotaga e Tete’e i Faiga Pi’opi’o, ae aoao tatou pe faapefea ona fai taua ona o lea ua tatou aga’i atu e avea ma ISIS o le Pasefika i Saute. 

Tatou te manatunatu pe faapefea ona ia talia lea tulaga?O se mea lea e sili ona lelei pe a tatou iloa. 

Ae poo le a lava, i le tulai mai o nei mataupu faigata, ia ua leva ona tu’ipala ai tatou i aso uma –na matou maua ai se tusi i le faatonu, na sainia e “Ola Fia.”

E itiiti vaega na toe faatonuina ma sa lomia faasalalau i totonu o le Samoa Observer i le aso 5 o Me 2016, fai mai:

Lau Susuga i le Faatonu,

I le taimi nei o lea ua talanoa mai Stui e uiga i se tulafono fou lea o le a atagia ai o tatou olaga Kerisiano, aganuu masani ma tulaga tau le amio pulea i aso nei? 

Ua avea ‘ea a tatou mea faataua i le Faa-Kerisiano ma tatou Ekalesia ma masini o pisinisi pi’opi’o?

Ua na o tusi ‘ea mo latou taga a faife’au ma ekalesia o loo popona i ai, ma tausi i latou ia mauoloa ae faapefea  sui auai o ekalesia ?

E te manatu o le taimi lenei mo ekalesia e la’a ai i totonu ma tuuina atu se fesoasoani? 

A sui e le ta’ita’i le faiga masani, o le a le mea e te manaomia mai isi tagata uma? O fuafuaga tau le amio pulea i aso nei o le faamoemoe ia mulimuli i le tulafono, o e mulimuli i le tulafono Stui ma lau Kapeneta? 

A e soli le tulafono, o loo i ai la tatou faiga tau le amiotonu e tatau ona mulimui ai. Ae o le itu e faanoanoa ai, mo i matou i totonu o Samoa, e leai ni tulafono eseese mo Stui ma lana kegi, ma ni tulafono ese mo i matou o tagata lautele. 

Mo se faata’ita’iga, e falepuipui se tagata faigaluega pe ana gaoia se $50 ae le falepuipui se Minisita o le Kapeneta mo faiga pi’opi’o ia e faitau miliona ma miliona tala lona tau.

Stui, o loo i ai se tusi saisai aloa’ia mo le ulu o se tasi o au Minister ae o lea lava o loo i totonu o lau Kapeneta. 

O fea se isi atunuu e te vaaia ai se mea faapenei  Stui?

E na o Samoa lava.

O le faafitauli o loo tatou feagai iinei e sili atu i lo fusuaga a a’oga; o se vaega lea o faafitauli lautele ua leva ona tatau ia Stui ma lana faigamalo ona latou fo’ia, 

.A leai se faamoemoe o tamaiti a’oga mo se lumana’i, leai se galuega mo le tupulaga lalovaoa, faafitauli, tau o le soifuaga ma le isi anoano, ona latou fusu lea. 

I le taimi nei la-tatou te taumafaina la lenei anoano o fale maualuluga felanulanua’i o loo i totonu o le taulaga? Ailoga e faapena. 

O la’u fautuaga ia taofi faiga pi’opi’o ma taofi le faamaumauina o a tatou tupe faitele, ae faalelei lo tatou olaga lautele ma se ala tau tamaoaiga o le olaga, ma e mafai ona ‘ou ta’u atu ia te oe se atunuu e sili ona lelei ma ona tagatanuu, o le taunuuga lea. 

Ia manuia tele oe Stui ma lau faigamalo. Sagai mai la’ia i le taimi nei e fo’ia ia faafitauli. 

 

Ia outou maua Samoa se Aso Sa to’afilemu ma ia faamanuia atu le Atua.


Fe
By Faaliliu e Seagaitumua Tupuola, 12 June 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?