Ua iloa le tama’ita’i na maua i le sami ua maliu

PM
By Pai Mulitalo Ale, 27 August 2016

Ua iloa nei le tama’ita’i talavou lea na maua e nisi o faifaiva i le Aso Lulu ua maliu i le sami.

O ananafi na fa’amaonia ai e le So’o-‘upu a le Matagaluega o Leoleo, o Su’a Lemamea Tiumalu, lea tulaga i le fono masani ma tusitala.

Saunoa Su’a, o le tama’ita’i lea e 14 tausaga. E le o fa’ailoaina lona nu’u ae na ta’ua, o ia e mai se nu’u i Vaimauga i Sasa’e ma e a’oga fo’i i se kolisi e latalata i le taulaga. 

“O lo’o fa’aauau pea i le taimi nei su’esu’ega a le Matagaluega i le mata’upu lea. Sa matou talosagaina se ripoti o lona ta’otoga fa’apitoa sa faia ma o lo’o fa’atali i se ioega mai le falema’i.” 

Na fa’amaonia fo’i e Su’a, o le tama’ita’i talavou lea na maua i le sami, o ia lea na sola i se va’a-afi sa taula i le uafu mo va’a-faila i Apia. I su’esu’ega sa fai, e le’i maua ai ni manu’a i lona tino i le taimi na maua ai i le sami. O le aso lava fo’i lea na maua ai e Leoleo i Savai’i, le va’a lea na to’esea mai le Uafu i Apia. 

ADVERTISEMENT

Sa ripotia i le Ofisa o Leoleo le va’a lea, i le afiafi lava lea na maua ai le tino-maliu o le teine.

Sa fa’afeso’ota’i atu e le Samoa Observer le pule o le va’a, o Daniel Mendola, ae na saunoa mai, ua i a’ao nei o leoleo lea mata’upu. 

I ripoti na maua, na avea fa’amalosia e se tama’ita’i Samoa talavou mai le Uafu i Apia, se va’a-afi pa’epa’e e 24  futu le ‘umi i le taeao o le Aso Lua, 16 o Aokuso pe o le sefulu i le taeao. 

O le taimi mulimuli fo’i lea na va’aia ai lea tama’ita’i a o soifua.

Na ta’ua: “Atonu na amata o se mea-malie ae i’u ai i se fa’alavelave, talu ai e le tele se penisini sa i le va’a,” o le fa’aaliga lea a Mendola. 

Na ta’ua fo’i e Sam Taulafo - le faifaiva na mauaina le tino-maliu o le tama’ita’i lea, e maua o ia o atoa lelei ona lavalava.

“Sa ia ‘ofuina se ‘ofu-vae pupu’u lanu moana ma se mitiafu ma e u’umi uliuli lona lauulu,” o le fa’amatalaga lea a Sam. 

PM
By Pai Mulitalo Ale, 27 August 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?