Mana’omia maketi i atunu’u mamao

IL
By Ilia L. Likou, 25 July 2017

O le tele o avanoa o lo’o ua mana’omia i le taimi lenei i le au faifa’ato’aga o le manaoga lea mo le tu’uina atu o fua fa’aele’eleaga i maketi i fafo ina ia aua lava ne’i i ai se isi tulaga e toe fa’alavelavea ai.

O lea le finagalo fa’aalia o Paepae Seumanutafa i le Fofoga o Samoa i le aso ananafi,  ona o le va’ai alofa i le lava lea o maketi e fa’atau atu ai le tele o  fua o le ‘ele’ele o lo’o mafai ona maua i le taimi lenei.

 “Ia ua tele lava polokalame ua molimauina i le taimi lenei aua lava le lelei alu i luma o si o tatou atunu’u ae o le tulaga o lo’o va’ava’ai atu ai o le fa’amautuina lelei o nai maketi i atunu’u i fafo e la’u atu ai le mau vaega o lo’o ua i ai nei i si o tatou atunu’u.

 “O le va’ava’ai lea ua i ai nei o le tele o polokalame o lo’o mafai ona tatou matamata atu ai e mo le atina’eina o nai faifa’ato’aga, ia ae o le fa’alavelave ua matua’i pala solo mea’ai ae ua leai se isi fa’amoemoe o ni vaega fo’i lea e avatu ai.

O ia o se tamā ua 67 le matua o le soifua ma o le manaoga lava lea i a te ia, ona o ia fo’i o se faifa’ato’aga.

ADVERTISEMENT

 “Ia e pei o lea lava le manaoga i le taimi lenei, o le taumafai lava ina ia i ai nisi maketi mo Niu Sila, Ausetalia ma isi atunu’u.

 “Ia ma fuafua atu ai le tulaga lea i le tu’uina atu sa’o o vaega e mana’omia e maketi i fafo, ina ia tele se taimi e fa’asaoina e le au fai fa’atoaga i Samoa nei.

 “Ia e pei o le fa’ata’ita’iga, o le tu’uina sa’o mai lea e le malo e tupe i a’i matou nai le tau tu’uina atu sa’o le maketi e fa’atau.

“E pei o lo’u iloa i ai, e faigofie ai lea i a te a’u lava ia.

Na fa’ailoa e le tamā o le o’o mai iinei, ona o aoga a le fanau ia ma tulaga  tau fa’ato’aga.

 “Ia o a’u e to’afa la’u fanau ma o lo’o galulue uma le taimi lenei.

 “Ia o le olaga masani lava o si o matou motu i Savai’i, sologa lelei lava, aua o lea le vaega na ola mai ai.

IL
By Ilia L. Likou, 25 July 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?