Felagolagoma’i tagata uma

FT
By Fetalai Tuilulu’u, 01 March 2017

E tele lava fa’afitauli e feagai  ma le tagata i lenei olaga. 

I totonu o Samoa tele o tala feavea’i ma tala tusitusia i le faigata le soifuaga ua tatou iai nei.

Peitai o le maua ai o le fa’atalatalanoaga ma le tinā ia Fa’afetai Tumua, 29 tausaga le matua le sofia le afioaga o Faleasi’u ma Nu’u le aso ananafi sa ese foi lona ia fa’afiatauli o lo’o nofo ma ia. 

“Ia o a’u e leai lava se mea fa’aletonu i totonu si o ma aiga ma si o’u to’alua

“E lelei mea uma tau suavai, o le eletise ae maise foi o le alagatupe i le tausiga le aiga, ae pau lava o lea, o le matou nonofo ai ma o matou tuaoi. 

“E mau te nonofo i Faleasi’u i  lo’u aiga ae  o le ma o’o mai o le asiasi mai lava i le aiga si o’u to’alua. 

“O le uiga la o la’u tala, e le fealofai mā lē fetausi a’u o matou tuaoi i le va nonofo a’i.

ADVERTISEMENT

“I lo’u foi ia iloa ai o le tele lava o aiga i lenei vaitau ua tui lava le tuiga ma fa’apea ifo lava o latou ua posi peitai e le’o se aganu’u lea a Samoa. 

“O le va nonofo ai ma le va fealoa’i e taua lava ma e maua ai foi le nonofo fealofani o tagata taitasi. 

“O nisi foi ua maua i le manatu leaga o le loto leaga’a’i ona o le lelei o isi aiga e ese mai i lona aiga.

Pau lava lea o le popolega i le tinā ia Fa’afetai ona o ia tulaga le manaia ua alia’e mai i nisi foi o tuaoi. 

“E fa’apea a’u o Samoa o se atunu’u e lotogatasi ma felagolagoma’i peitai e leai. 

“O lea le itu e sili ona faigata ona o le le felagolagoma’i o tagata tuaoi. 

“O le tele foi o isi itū o le tele o meatotino a āiga ua leiloa e fesiligia lava tuaoi i se fesoasoani ae leai lava se tali lelei e maua ai. 

“E ui ia fa’afitauli ae o le mau a  Fa’afetai o lo’o lelei mea uma i totonu le atina’eina si aiga.

“O lo’o faigaluega si o’u toalua ma o lo’o fa’amoemoe ai le aiga ae o a’u o lo’o gafa ma feau le fale ae maise foi si tama aoga. 

“E ui foi le taugātā le soifuaga ae ua uma ona fa’atulaga mea uma e ao ona titilo iai aua lava lenei soifuaga ua tatou iai.

FT
By Fetalai Tuilulu’u, 01 March 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?