Faafitauli o le soifuaga i se nuu

DF
By Deidre Fanene, 27 August 2016

Talu ai nei lava na faalauiloa aloa’ia ai se lipoti lea o loo faapea mai o loo i ai se tulaga faigata i totonu o Samoa ma mo se aiga e tasi i Siumu lea o loo avea ma molimau ola.

O se tina e onosefulu-lua tausaga le matua ma o se Tina o le tina o Faatolu Seigafo o Siuma-na ia faaalia i le Samoa Observer ananafi e faapea o le soifuaga i nuu i tua e le faigofie e pei o le soifuaga i totonu o le taulaga. “A tatou talanoa e uiga i le mativa-matou te ta’ua tupe talu ai-o tupe o mea uma ia ma o lea ua faigata ai le soifuaga pe a pa’ia le itu tau tupe,” o le faaaliga lea a le tamaitai. .”E tusa ai ma lo matou aiga-e na o le to’atasi le tagata o loo faigaluega ma o lo’u lava atalii lea o loo faigaluega i le Sinalei Resort.”

 “O lona totogi e fesoasoani ia i matou e totogi ai se tasi o fanau a lona uso ona soso’o ai lea ma o matou noatagata tau tapuaiga faapea foi ma mea faale-nuu.

“Ae ui o lea, matou te gafatia mea faale-nuu ae a tau ane loa i le ekalesia ma le aoga, o iina tonu lea matou te pagatia ai,.

ADVERTISEMENT

E to’atolu fanau a la’u fanau o loo ia te a’u-ia o loo a’o’oga i le taimi nei ma latou te manaomia uma lava tupe mo le resitalaina, ma le mea’ai i le a’oga  e popole i ai-ona soso’o ai lea ma mea fai a le atunuu o loo manaomia ai foi matou o matua e avatu tupe mo le latou tausala.

 “Ua matua faigata lava ona o nisi taimi ou te faaseā ai i faia’oga e le mauoloa uma ni aiga ae latou tapā lava tupe mo lenei ma lena ae latou te le o iloa le faigata ona ona isi aiga.”Fai mai Ms Seinafo e le gata i a’oga ae faapea foi ekalesia.

“Ua ou iloa o lenei faafitauli e le na o le tasi se nuu o tupu ai ae o loo tupu i totonu o nuu uma ma tagata uma lava. “O isi taimi ta te manatu ai e faapea ua sili atu ona matou popole poo a mea matou te tuuina atu i le ekalesia ae mulimuli ane ua matou pagatia ona o lo matou le iloa pe faapefea ona fafaga o matou aiga. “O le faafitauli lena e le o iloa e le malo le tulaga o le soifuaga i nuu i tua, ua moatia nofoaga uma ma o ia noataga uma e manaomia ai lo matou tuuina atu o tupe.”Ina ua fesiligia poo le a se manatu o lea tamaitai i se mea e tatau ona fai e le malo, fai mai Ms Seinafo-e matua tatau i le (malo) ona matua tulai mai ma ni faiga e fesoasoani ai i nuu i tua. “O le faafitauli lenei o loo iinei ae le o totonu o le taulaga,” o le faaaliga lea a le tamaitai.

E tatau ona mafai ona fai ia i matou le faiga e tasi e pei o le faiga o tagata o i Apia ae foliga mai o loo mamafa le latou silasila (malo) i le atiina a’e o Apia ae le o i matou.”

“Matou te mana’omia le fesoasoani i soo se ala, matou te le o fai atu ia i latou e aumai fua ni a matou tupe, o lea matou te talosagaina i latou ina ia tuuina mai ni avanoa se tele mo a matou fanau e galulue ai –ina ia mafai ai ona latou tausia o matou aiga. . “O le pogai tonu lena ua matou talosagaina- o se fesoasoani e tuuina mai ai avanoa mo tupulaga talavou aua o i latou ia o loo tausia o matou aiga. 

“Matou te iloa o le tau o le soifuaga ua pei o le lele a le roketi i le vanimonimo ma o le tulaga lena ua i ai, ae a itiiti mai-ia maua e tagata o Samoa a’o lei fuafuaina le tuuina atu o se fesoasoani i isi tagata.” 

DF
By Deidre Fanene, 27 August 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investigative articles.

Ready to signup?