Fa’amoemoe lava le Ali’i fa’afitauli

AL
By Aruna Lolani, 26 June 2017

 E leai lava se tagata e fa’atu’iese le tele o suiga ua iai nie lenei olaga. 

O lea le manatu o  le tamā ia Malae Tele Tupulua o Leulumoega Tai ma Lalomauga i le fa’atalatalanoga ma le Fofoga o Samoa. 

“Ua tele lava fa’afitauli e fetaia’i ma tatou peitai ona o le tele o suiga ua ofi mai. 

“O le tele o nei fa’afitauli e tutupu e a’afia uma ia le atunu’u, o tinā, tamā ma le fanau. 

“Fai mai foi o Samoa e fa’avae le Atua, ae o va’aiaga ma uiga o lo’o alia’i mai i Samoa e le’o se atunu’u e sefe ma maopopo ona tagata. 

“O lenei vaitau ua iai, e tonu lava le tagata i ona manatu. 

“O le tele foi o fa’afitauli ma mea o lo’o tutupu mai e afua mai lava i totonu o aiga ma feeseeseaiga. 

“Ua leai se vaiaso ma se fa’afitauli e tupu mai, o le tele o tagata ua fa’ao’olima lava le tasi i le tasi o nisi foi ua fai aiga i fanau. 

ADVERTISEMENT

“Fa’afefea na tatou fa’apea mai o Samoa e fa’avae le Atua e o le tele o nei mea e tutupu mai e le’o se tulaga tau le Atua. 

Sa taua e le tamā o Samoa foi o se atunu’u uma ona tofi ma e Kerisiano foi ona tagata. 

“Ioe o Samoa o se atunu’u keresiano, ae aisea ea ua faia ai nei fa’afitauli ma tulaga e ave esea ai le kerisiano o tagata. 

“Ou te le fa’apea atu ou te fiamama pe a lava. E iai foi a’u agasala peitai o le tatalo lava le Ali’i e puipui mai ma fa’amagalo mai. 

Sa taua e le tama le a’umega malosi lava o le tatalo. 

“Masalo o  le fa’amoemoe o le to’atele i le malosi ma le atamai ua iai nei ua ala ai nei fa’afitauli. 

“Ia o le tele lava lena o tagata ua iai nei, o le fa’amoemoe lava i le malosi ma le poto salalau ae ua le fa’amoemoe le Ali’i e ona le malosi uma.

“Ia pei foi ona tagatagaa’i mai o le lava ou te malosi lava ma mafai ona ou savali ona o le fa’amoemoe lava i le Ali’i e fesoasoani mai aumai le malosi. 

“E fa’apena foi se manatu o le fa’amoemoe lava i le ali’i e aumai se tali ma se manatu lelei ma ia taitai ala foi i o tatou ala uma. 

“O le fa’amoemoe lava le Atua e ona le malosi, aua o ia o se tamā gamalu, agaalofa ma fesoasoani mai i o tatou puapuagatia. 

AL
By Aruna Lolani, 26 June 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?