Ua aveese le Minisita Muamua mai taualumaga a le Faamasinoga

PM
By Pai Mulitalo Ale, 16 April 2016

Ua aveese e le Faamasinoga Sili le Minisita muamua o Galuega, o Manu’alesagalala Enokati Posala, mai le avea ma itu auai i le talosaga na faaulu e le Ta’ita’i muamua o le Tautua Samoa Party, o Palusalue Faapo II.

Na faaulu e Palusalue se talosaga e faasaga i le Sui Usufono o le Palemene i le taimi nei o Lea’anā Ronnie Posini-e aofia ai ma Manu’alesagalala ona o tuuaiga tau faiga tau faavalea ma faiga tau fasese.

O le Loia o Pau Mulitalo na fai ma sui o le itu tete’e muamua, o le Sui Usufono fou lea o le Palemene, o Lea’anā Ronnie Posini. Na lagā e Pau ni fesili e uiga i le le tausisia e le itu tagi o le faasilasila faalauiloa.

ADVERTISEMENT

Fai mai a ia o lea faasilasila faalauiloa e tasi le aso na tuai ai.

O le itu tete’e lua o le loia lea a Manu’alesagalala, o Su’a Hellene Wallwork, o lana finauga e faapea e le mafai ona ta’ua lana paaga o se itu tete’e lona lua talu ai sa le faamanuiaina lana taumafaiga i le faagasologa o le faiga-palota, e le o ia o se Sui Usufono o le Palemene ma e le o ia foi o le Komesina o le Ofisa o Faiga-Palota.

E tusa ai ma le Tama’ita’i o Wallwork, e na o se sui faatu ua faamanuiaina ma se Sui Usufono o le Palemene e mafi ona ta’ua o se itu auai o le mataupu. O le Famasino Sili, Lana Afioga Patu Tiavaasu’e Falefatu Sapolu, sa ta’ita’i.

O le talosaga muamua a le itu tete’e muamua tau le le tausisia e le itu talosaga o le faasilasilaga faalaua’itele sa le faaaogaina.

O le talosaga tau le faiga-palota e tusa ai ma le itu tete’e lona lua na faaleaogaina ma ia faaulu e le loia a le itu tete’e lona lua se tusi i totonu o aso e fitu. O lenei talosaga o le a faagasolo e faasaga i le itu tete’e muamua. 

PM
By Pai Mulitalo Ale, 16 April 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?