MITA TOTOGI MO PAKAGA O TAAVALE

19 August 2018

(OFISA SOOUPU) I le tele ai o finagalo faaalia o le atunuu, i mita totogi mo pakaga o taavale (parking meters) lea ua mae’a faapipii i nisi o faleoloa i le taulaga o Apia e le Pulega o Felaua’iga i le Eleele (LTA) na faalia ai le finagalo o le Palemia, Afioga Tuilaepa Dr. Sailele Malielegaoi i nisi o mafuaaga taua ma aoga o le faia ai e le Malo o nei suiga.

I lana polokamale o le vaiaso, le 2AP ma le Palemia na saunoa ai Tuilaepa e faapea; “I le taimi e le’i suia taavale e o i le itu taumatau, taimi lena pe tasi i le lua faletaavale sa okaina mai taavale, a maua sau taavale limasefulu pe onosefulu afe ua e laki.”

“O le ala lena lea na tetee ai le toatele ina ua fai le iuga a le Malo e faataga taavale e tu i le taumatau foeuli. Ia; ua e vaai la i ai le mauga o mau pisinisi ia ua i ai nei o la e fai le latou tauvaga.”

“O le taimi nei e mafai a ona maua lau taavale e i lalo ifo o le sefulu afe. O le a la le uiga o le mea lena, mea la lena o lea ua e vaai ai i le taeao i le poloka o taavale; ua tele taavale.”

ADVERTISEMENT

“O le tulaga la lea e i ai a oo ina fai se faaipoipoga, pe fai i i le falesa lea o le Pope lea i Mulivai, e le gata i le tumu o totonu ua tau le mafai ona o taavale. O le pau a la o le mea e fai i le lalolagi atoa uma a, fai loa ia paka ia.”

“Ma o paka a faapea e tasi le itula o e tu ai e totogi ma siisii a’e i luga ia vave ai ona alu le isi e aveese lana taavale, nai lo le mea lea e talu ai e le’o totogia, e le taitai a e kea e tutu ai a lau taavale a’o la ua moomia e le isi.”

“O lona uiga la o mea ia lea e fai e le Malo ua leva ona tatau ona fai, ina ia uma loa a o e paka totogi lau tupe e faasoasoa tatau ai, aua e le faapea e i ai le faatofala’iga i tagata uma a loto a le isi le mafaufau e tutu ai lana taavale ina e le taitai a kea i se isi.”

“O le auala la lea e tau faasoasoa ai mea e paka ai taavale, ia fai ae vave aveese lau taavale a uma loa ona fai lau faatau, vava na e alu ese, ae le o le uma o lau faatau ae e tutu ai a ma e nofonofo ai a, pe te sau e nofonofo i totonu o lau taavale.”

“O le faasoasoaina la aua o lea ua tele taavale, ae le faapea e tele taavale ona meme’i atu ai lea o le tếlế o auala, o la e tumau a auala a ua tele le mau taavale.”

“O le mea la lena o le fai mai e le tatau ona fai i se tama’i atunuu laititi, e le afaina lena i le atunuu laititi ae laiti foi taavale, ae tele loa taavale ua tatau loa ona fai le mea lea.”

“Ia ma le mea la lea ua i ai nei ua amata foi ona fuafua e le Malo mo le agai i le lumanai, faataoto ia fuafuaga mo le tele mai o taavale, ma pe ono i’u a i le fai o auala tetele foi ia e alu i luga, o lona uiga e mafai ona feoa’i isi taavale i luga ae feoa’i atu isi taavale i lalo (highways).

19 August 2018

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?