Ua manumalo Tuisuga i le taua a le Vaimauga

27 February 2016, 12:00AM

Pai Mulitalo Ale

Faaliliu e Seagaitumua Tupuola 

 

O le Minisita o Fesootaiga ma Faamatalaga Tekonolosi, o Tuisugaletaua Sofara Aveau-ua toe toatasi lona fili tau palota e popole i ai a’o lumna’i ai le palota i le vaiaso o i luma. Na soso’o lenei tulaga ma le faaiuga a le Faamasino Sili, Lana Afioga Patu Tiava’asu’e Falefatu Sapolu-e faalauiloa ai e faapea o le avea o Fuatimau Maumea Leniu ma sui faatu o le faiga-palota ua faaleaogaina.

O le faatinoina la o lea itu, na malie ai le Faamasinoga i le tagi a Tuisugaletaua e faapea e le o faamalieina e Fuatimau le manaoga tau le nofo-mau e tolu tausaga e tusa ai ma le Tulafono Toe Teuteu o Faiga-Palota 2015-ina ia mafai ai ona avanoa o ia e avea ma sui faatu o le Vaimauga i Sasa’e.  Sa fai ma sui o le Minisita le loia o Taulapapa Brenda Heather Latu ae o Lei’ataua Jerry Brunt sa avea ma sui o Fuatimau.

O le faaiuga a le Faamasinoga ua le gata ina faaleaogaina ai le agavaa o Fuatimau, ae sa tuuina atu ai foi e faasaga ia te ia le $1,000 o le tau o le faamasinoga. O le Aso Gafua sa fofogaina ai lenei mataupu-ma e le gata ina lu’i ai e Tuisugaletaua le agavaa tau le nofomau o lona fili-ae na ia ta’ua foi e faapea e leai sana monotaga o faia i lona nuu o Laulii. Na teena e Fuatimau ia tuuaiga uma.

O lea la faaiuga o lona uiga-o lea o le a fetaui nei Tuisugaletaua ma Sulamanaia Fetaia’i Tuivasa ma Tafāese Uili Lautua.

27 February 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>