Leai se lagona e fai vave se aiga

By Aruna Lolani 28 April 2017, 12:00AM

O le alii i a Masi Lave 37 tausaga mai le afioaga o Vaitele Fou o se alii gaule malosi i le Returnees Trust Charity. 

Sa afea e le Fofoga o Samoa lea fale ta’avale po’o le a se suiga ua i ai nei vaitaimi i le galuega o le olaga pe a fa’atusatusa atu i aso ia ua mavae.

“O le vaitau lenei ua i ai ua le’o toe tutusa le tulaga i le tupe maua i aso nei ma aso la.

“E i ai le aso ua lelei ua maua nai seleni feololo mo tagata faigaluega  ae e i ai fo’i nisi aso ua le lelei.

“Ou te talitonu o aso la sa tau leai ni galuega ma faigofie mea uma, ae o aso nei a le aunoa ma le galuega e le leai se mea e maua. 

“O aso nei a o’o lava ina lelei le aso e maua le $200 - $250 i le vaiso 

“Ae manatua fo’i e le o le tupe atoa lena o le lua vaiaso e maua.

“O a’u e lei faia se to’alua leai foi se fanau ae ua nao le tausi lava ma ave le fa’amuamau i le tina matua o lo’o fa’amuli le fale. 

“O le eseesega lena o nei vaitau.”

O le isiitu na fa’aalia e Tui e i ai lava le eseesega o le tele o tagata e naunau maua galuega mo aiga i nisi foi ua fa’atalale ma le fa’aoga tatau le taimi. 

“O le taimi nei e lava a le tupe e maua i la’u galuega aemaise lava i latou o lo’o faigaluega lelei pasese e leai la se mea e popole ai.

“Ae o matou la nei e leai ni aiga na’o matua e leai la se mea e popole ai. 

“E pau le itu lea e feteenai i lou mafaufau o le taugata o le soifuaga.

“Aua o le taimi nei ua tele pisinisi ma faleoloa tetele ua amata ai foi la ona alu i lalo le tele o ooloa.

“E mo”i e i ai oloa o loo taugata ae o loo i ai foi oloa o lea ua taugofie.

“Ua tele lava le eseesega o le vaitau lenei ma ia aso ua te’a.

“Sa fai lava si mafamafa o tau o oloa i la vaitaimi ona sa tau leai ni faleoloa ma pisinisi tetele ae o lenei vaitaimi ua i ai lava si faamama avega i lenei vaitau ona ua tele pisinisi.

“O le omai foi a Saina lea ua omai ai ua faamama avega foi i le toatele o le atunuu aemaise lava i mea taumafa.

“Iā te a’u lava ia e ala ona oi isi aiga ona o le leai ose tupe maua.

“E le pei o matou e mo’i lava e i ai aso lelei  e i ai foi aso e le lelei ai ae o loo maua lava le tupe a’o nai isi aiga e leai ni tagata faigaluega ma e leai foi se alaga tupe o maua mai.

“Ia te au lava ia o lea e lelei lava le soifuaga e mo’i o loo taugata ae a faatusatusa atu la vaitaimi ua tele lava le eseesega.”

By Aruna Lolani 28 April 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>