Fa’amatalaga i le va o le Tautua ma le Malo-le-Tumau

14 February 2016

O le fa’ailoa mai ai o le kopi (pepa) o fa’amatalaga lea ua ave ma faila e le Tautua fa’asaga i le  malo i le fa’amasinoga, o se mataupu o le a faigata tele i le malo-le-tumau o lo’o ua i ai nei pe afai ae manuia.

O le taimi lenei ua ma’ea  ona faila e le ta’ita’i o le Tautua, Palusalue Fa’apo II  le mataupu i le fa’amasinoga i le aso 10 Fepuari 2016.

I le tu’uina atu ai o lenei mataupu o lo’o ua fa’ailoa mai ai nei e le kopi o lea mataupu e pei ona ua maua e le Observer e fa’apea, e le tatau e le kapeneta le tumau i le taimi lenei nei ona fa’aauauina le ta’ita’iga a le malo.

“E pei ona silafia ai o lo’o maioio lelei lea vaega i lalo o le Tulafono Faiga Fa’avae lea o lo’o i le fuaiupu e 32.

 

I lalo o le fa’avae o lo’o manino ai vaega nei: “(1) E ao ina ia i ai se kapeneta latou te fa’atautaia ma va’ava’aia lelei ma ta’itaia le Palemene”

 

I lalo o lea pepa o lo’o fa’ailoa ai ;

 (a) E tatau ona ave ese le Kapeneta po o le faigamalo le tumau mai le ta’ita’iina o le faigamalo.

ADVERTISEMENT

  (b) Taofia lo latou toe tagofia oni fa’aiuga i totonu o le malo

 (c) Sa tatau ona tula’i mai lea tulaga i le taimi na fa’amavae ai le sa avea muamua ma Minisita o Tupe e pei ona maioio i lalo o le Vaega 32(1) o le fa’avae.

(d) Ave’ese uma sui aofia ai ma le Minisita o Tupe mai le toe resitala i le isi faigapalota o lo’o lumanai nei.

 (e) O le Ao o le Malo e na te faia le filifiliga i se Faigamalo le Tumau.

O lo’o ua atagia mai i le pepa ua faila nei luma i le fa’amasinoga faiga fa’apiopio ua le mafai ai ona fa’ataunu’uina le fa’avae.

 “O se tasi o Minisita sa fa’amavae ona o nei faiga fa’api’opi’o ma ua vaoia ai le fa’ataunu’uina o faiga fa’avae.

 “O le le mulilulita’i ai o Faiga Fa’avae ia alagatatau ai le tu’ua o latou tofi o lo’o i ai nei i totonu o le faigamalo le tumau.

 “Ona o ia faiga e ao ai i sui uma ona o ese mai o i latou o  ni sui fa’atutu i le isi faigamalo o lo’o lumanai nei.

 “O le afioga i le ao mamalu o le Malo o Samoa e tatau ona toe tofia se isi Faigamalo le tumau e latou te fa’aauauina tiute fa’alemalo i le taimi lenei.

Fa’ailoa e Palu ‘na solia le fa’avae ina ua fa’amavae Faumuina Liuga i le aso 16 Aperila 2014 e pei ona i ai i le vaega 32(1) o le fa’avae.

O lea mataupu na fa’atatau i le Minisita i le soona fa’aalu ai lea o tupe a le Fa’alapotopotoga o Eleele e $400,000 i faiga fa’apiopio.

Ina ua fesiligia le afioga i le Palemia e tusa ma lea tulaga sa ia ta’ua o le a sauni fo’i e ave sana tagi i sui uma o le Tautua i le $100piliona a le tagata e to’atasi ma le taulua popo.

14 February 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investigative articles.

Ready to signup?