Taavale fou a le E.P.C. e $1.7miliona le tau

DF
By Deidre Fanene, 20 May 2016

O ananafi na amata faaaoga ai e le Faalapotopotoga o le Malosi Faa-Eletise (E.P.C.) ni taavale fou se 15, o latou faatatauina e $1.7 miliona-e avea ma vaega o taumafaiga ina ia faaleleia le faatinoina o a latou auaunaga.

O lea sauniga sa faatinoina i le Nofoaga Tau Pulega a le Faalapotopotoga o le Malosi Faa-Eletise i Tuana’imato, ma sa vave ona faailoa atu i tagata faigaluega e faapea o ia taavale fou e le o ni mea taalo poo ni taavale tutu’u. 

O le Sefulu o ia taavale o taavale masani lava ma o le lima o ia taavale o taavale taatele lava. Fai mai le Pule Sili o le E.P.C,  o Tologata Tile Tuimalealiifano, o le 10 o taavale masani o lo latou tau e $1.2 miliona ae o le lima o isi taavale taatele o lo latou tau e $400,000.

I le faagasologa o le sauniga e tatala aloa’ia ai, na una’ia e le Ta’ita’ifono o le Komiti Faatonu a le E.P.C., o Ulumalautea John Ryan tagata faigaluega ma le faalapotopotoga ina ia vaaia faalelei asset e pei o ni a latou lava meatotino.

“O ni aseta taugata tele nei mea ma e tatau lava i tagata uma ona vaai faalelei nei aseta,” o lana faaaliga lea. “Ou te una’ia foi i latou ia o le a faaogaina nei taavale e faapea o nei taavale-e le o ni mea taalo, e le o ni taavale tutu’u. 

ADVERTISEMENT

“Ona pau lava tagata e tatau ona aveina nei taavale-o I latou ia ua uma ona faatagaina e ave nei taavale ma ua i ai laisene aloa’ia.

“Matou te le o tuuina atu ia te outou nei taavale e a’oa’o ai a outou avetaavale, ma ua i ai lo matou faamoemoe maualuga e faapea o nei taavale o le a lelei pea i totonu o le isi sefulu tausaga.” Sa faaauau pea le saunoaga a Ulumalautea fai mai ua tuuin atu e le Minisita ma le Komiti a le E.P.C. nei aseta ina ia mautinoa ai e faapea o le auaunaga o loo tuuina atu e le E.P.C. i le atunuu e matua tulaga ese. 

“O le pogai lena ua matou faaalu ai le sili atu i se miliona I nei taavale fou-ina ia mafai atu ona tatou o’o i soo se nofoaga lava o loo mana’omia ai la tatou fesoasoani i le salafa o le atunuu,” o lana faaaliga lea. 

“Ua tatou faalogo uma i le mana’o o le minisita ma le komiti a le faalapotopotoga e faapea ua tatau ona faaitiitia le tau o le eletise. “(Ae peita’i) afai e oo ane i le faaiuga o lenei tausaga a ua malepelepe uma nei taavale-o lona uiga-o le a le mafai ona tatou faatinoina le mana’o o le faalapotopotoga ma e faapea o le tau o le eletise o le a matua faateleina lava.”

Na matua lagolagoina lava e le Minisita o Galuega, Fela’ua’iga ma Galuega Tetele, o Papalii Niko Lee Hang, le Ta’ita’ifono.

“Mo le sefulu tausaga, sa ‘ou galue ai i totonu o le Komiti o Mea Tau Tupe a le Palemene- ma o le lima tausaga talu ai na filifilia ai a’u e avea ma Ta’ita’ifono o le Komiti,” o lana faaaliga lea. 

“O le tele o lipoti masani ia sa tuuina atu e uiga i taavale lavevea’ poo aseta a le malo- a le mafua mai i avetaavale onanā ia poo le saoasaoa o taavale. “O nei mea uma na tutupu mai ona o tatou mafaufauga e faapea e le o ni a tatou mea nei aseta ma o mea a le malo, o le mea lea, e leai se afaina pe a lavevea ia i tatou aua e totogi e le malo.”   

“(Ae peitai)” e na ona ‘ou faamanatu atu ia te outou uma e faapea-ioe-o aseta a le malo-ae o lea foi e i ai lo tatou sao i nei aseta. “O a tatou lafoga ia o loo totogi ai nei mea uma, o le mea lea-o ai lava o loo i ai lena ituaiga o mafaufau-o le a ‘ou faamanatu atu ia te outou uma e faapea o lea tatou te totogiina nei aseta uma.  “Ia outou pulea lelei nei aseta ma ia aveese lena ituaiga o mafaufau ae vaai faalelei nei taavale taugata.”

DF
By Deidre Fanene, 20 May 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?